لندن، 26 جون (ہ س)۔ ہندوستانی مردوں کی ہاکی ٹیم کو جمعرات کو میزبان انگلینڈ کے خلاف ایف آئی ایچ پرو لیگ 2026 کے یورپی دورے میں سخت مقابلے کے شوٹ آؤٹ میں 4-1 سے شکست کا سامنا کرنا پڑا۔ طے وقت کے اختتام پر میچ 2-2 سے برابر رہا، لیکن انگلینڈ نے شوٹ آؤٹ میں ایک بونس پوائنٹ حاصل کیا۔
ہندوستان کی طرف سے دلپریت سنگھ نے 10ویں اور 58ویں منٹ میں دو گول کیے جبکہ انگلینڈ کے لیے ڈیوڈ گڈفیلڈ (29ویں) اور نکولس بنڈورک (56ویں) نے گول کیا۔
بھارت نے میچ کا آغاز جارحانہ انداز میں کیا۔ 10ویں منٹ میں دلپریت سنگھ نے مندیپ سنگھ کے شاندار پاس کو گول کر کے ہندوستان کو 0-1 کی برتری دلائی۔
ہندوستان دوسرے کوارٹر میں اپنی برتری کو دوگنا کرنے کے قریب پہنچا لیکن انگلینڈ کے دفاعی کھلاڑی تھامس سورسبی نے گول لائن پر شاندار سیو کیا۔ اس کے بعد ڈیوڈ گڈ فیلڈ نے 29ویں منٹ میں فیلڈ گول کر کے انگلینڈ کو 1-1 سے برابر کر دیا۔ تیسرے کوارٹر میں دونوں ٹیموں کو کئی مواقع ملے لیکن مضبوط دفاع نے کوئی بھی گول کرنے سے روک دیا۔
انگلینڈ نے چوتھے اور آخری کوارٹر میں دباؤ برقرار رکھا اور 56 ویں منٹ میں نکولس بنڈورک نے پنالٹی کارنر کو گول کر کے اسے1-2 کی برتری دلا دی۔ تاہم، ہندوستان نے ہمت نہیں ہاری اور دو منٹ بعد، دلپریت سنگھ نے سمت کے شاندار مووپرزوردار شاٹ لگا کر میچ 2-2 سے برابر کردیا۔
انگلینڈ نے شوٹ آؤٹ میں اچھی کارکردگی کا مظاہرہ کیا۔ تھامس سورسبی، جیمز البری اور کپتان زچری والیس نے اپنی کوششیں کامیاب کیں۔ انگلینڈ کو ایک پینلٹی اسٹروک بھی ملا جسے والیس نے گول میں بدل دیا۔ ہندوستان کے لیے صرف کپتان ہرمن پریت سنگھ شوٹ آؤٹ میں گول کرنے میں کامیاب رہے۔
اس ہار کے ساتھ ہی ہندوستان کو ایک پوائنٹ کا نقصان ہوا جبکہ انگلینڈ نے شوٹ آؤٹ جیت کر ایک بونس پوائنٹ حاصل کیا۔ ہندوستانی ٹیم اب اپنے اگلے میچ میں 26 جون کو ہندوستانی وقت کے مطابق رات 10:30 پر پاکستان سے مقابلہ کرے گی۔
ہندوستھان سماچار
ہندوستان سماچار / محمد شہزاد
