بھونیشور، 20 جون (ہ س)۔ میور بھنج کے اپنے ایک روزہ دورے کے دوران وزیر اعظم نریندر مودی نے صدر دروپدی مرمو کے ساتھ اڈیشہ کے پہاڑ پور گاؤں کا دورہ کیا۔ وہاں رہتے ہوئے انہوں نے سنتھالی اور ہو جاہیرا گوسانی پیٹھ مٰن پوجا کی اور مقامی اسکول اور ہنر مندی کے مرکز کا بھی دورہ کیا۔

سوشل میڈیا پر اپنا تجربہ شیئر کرتے ہوئے وزیر اعظم نے اس دورے کو ایک اعزاز اور حوصلہ افزائی کا ذریعہ قرار دیا۔

وزیر اعظم مودی نے کہا کہ انہوں نے صدرجمہوریہ دروپدی مرمو کے ساتھ گوسانی پیٹھ میں پوجا کی۔ انہوں نے کہا کہ گوسانی پٹھ قبائلی ثقافت میں بہت اہمیت رکھتا ہے، جو قبائلی برادری کے عقیدے اور روایات کی زندہ علامت کے طور پر کام کرتا ہے۔

وزیر اعظم نے مزید کہا کہ انہوں نے صدر جمہوریہ مرمو کے ساتھ پہاڑ پور گاؤں میں سنتھالی جہیرا اور ہو جاہیرا سائٹس کا دورہ کیا۔ انہوں نے کہا کہ یہ مقدس درخت قبائلی برادری کے گہرے عقیدے اور فطرت کے ساتھ متوازن رشتہ برقرار رکھنے کی ان کی روایت کی عکاسی کرتے ہیں۔ انہوں نے اس بات پر زور دیا کہ اس طرح کی ثقافتی روایات ہندوستان کے شاندار ورثے کا ایک اٹوٹ حصہ ہیں اور ان کی حفاظت اور پرورش کی جانی چاہیے تاکہ آنے والی نسلیں ان سے ترغیب حاصل کر سکیں۔

وزیر اعظم نے یہ بھی ذکر کیا کہ انہوں نے پہاڑ پور میں اسکول کے احاطے میں آنجہانی شری شیام چرن مرمو، آنجہانی شری لکھن مرمو اور آنجہانی شری سپن مرمو کی یادگاری مقامات پر گہلائے عقیدت نذر کئے۔ انہوں نے مشاہدہ کیا کہ صدر دروپدی مرمو نے ذاتی سانحات کا سامنا کرتے ہوئے جس ہمت اوراستقامت کا مظاہرہ کیا وہ واقعی متاثر کن ہے۔ اس کے تجربات نے عوامی خدمت اور عوام کی فلاح و بہبود کے لیے اس کے عزم کو مزید مضبوط کیا ہے۔

وزیر اعظم نے یہ بھی کہا کہ انہوں نے پہاڑ پور گاؤں کے ایک اسکول کا دورہ کیا، جہاں صدر مرمو نے مقامی تعلیمی انفراسٹرکچر کو ترقی دینے اور نوجوانوں کے لیے مواقع پیدا کرنے میں اہم کردار ادا کیا ہے۔ انہوں نے اس اقدام کو دیہی علاقوں میں تعلیم کو وسعت دینے اور بااختیار بنانے کی جانب ایک اہم قدم قرار دیا۔ وزیر اعظم نے پہاڑ پور میں ہنر مندی کے فروغ کے مرکز کا دورہ کیا۔ انہوں نے ریمارک کیا کہ صدرجمہوریہ دروپدی مرمو کی طرف سے اس خطہ میں کی جا رہی کوششیں قابل ذکر ہیں اور ان کی کوششوں نے گاؤں کی ترقی کی رفتار کو ایک نئی سمت دی ہے۔ انہوں نے دیہی نوجوانوں کو ہنر مندی کی تربیت کے ذریعے خود انحصاری اور روزگار کے نئے مواقع حاصل کرنے پر خوشی کا اظہار کیا۔

ہندوستھان سماچار

---------------

ہندوستان سماچار / عبدالواحد