عامر خان پروڈکشن کی انتہائی متوقع فلم ”بٹوارا 1947“ کا ٹیزر جاری کر دیا گیا ہے۔ موشن پوسٹر اور کریکٹر پوسٹرز کے بعد فلم کی پہلی جھلک نے شائقین کی توقعات کو مزید بڑھا دیا ہے۔ ہندوستان کی آزادی اور تقسیم کے پس منظر میں، ٹیزر ایک ایسی کہانی کی طرف اشارہ کرتا ہے جو ہمت، قربانی اور انسانی جذبے پر مرکوز ہے۔ جذباتی مناظر اوردمدار مکالموں سے بھرے اس ٹیزر میں تاریخ کے مشکل ترین دور میں امید کی کرن تلاش کرنے کی کوشش کی گئی ہے۔

ٹیزر میں تقسیم کے سانحے کے درمیان قائم ایک ہیرو کی کہانی کو دکھایا گیا ہے، جو نفرت اور خوف کے ماحول میں انسانیت اور جرات کی مثال بن کر ابھرتا ہے۔ فلم میں شبانہ اعظمی، سنی دیول، پریتی زنٹا، کرن دیول، علی فضل اور ابھیمنیو سنگھ نے اہم کردار ادا کیے ہیں۔ اہم بات یہ ہے کہ تقریباً تین دہائیوں کے بعد ہدایت کار راجکمار سنتوشی اور سنی دیول کی جوڑی بڑی اسکرین پر واپس آ رہی ہے، جس سے ناظرین میں خاصی جوش و خروش ہے۔

نیشنل ایوارڈ یافتہ ہدایت کار راجکمار سنتوشی کی ہدایت کاری میں بننے والی اس فلم کی موسیقی اے آر رحمان نے ترتیب دی ہے اور گیت جاوید اختر نے لکھے ہیں۔ عامر خان اور اپرنا پروہت کی پروڈیوس کردہ یہ فلم 14 اگست کو دنیا بھر کے سینما گھروں میں ریلیز کی جائے گی۔ ٹیزر نے فلم سے شائقین کی توقعات بڑھا دی ہیں۔

---------------

ہندوستان سماچار / عبدالسلام صدیقی