راج گڑھ، 14 جون (ہ س)۔

مدھیہ پردیش کے راج گڑھ ضلع کے بیاورا شہر کے نیوبس اسٹینڈ کے قریب اتوار کی صبح ایک دردناک سڑک حادثے میں بائیک سوار بزرگ کی موقع پر ہی موت ہو گئی۔ تیز رفتار ٹرک کی زد میں آنے کے بعد بزرگ کو گاڑی تقریباً 150 سے 200 فٹ تک گھسیٹتی ہوئی لے گئی۔

پولیس کے مطابق متوفی کی شناخت 60 سالہ مانگی لال ولد امر سنگھ سوندھیا، ساکن ارنیا کے طور پر ہوئی ہے۔ بتایا جا رہا ہے کہ وہ صبح چائے پینے کے لیے نیو بس اسٹینڈ علاقے میں آئے تھے۔ اسی دوران سٹھالیا روڈ پر پرچون کا سامان لے کر جا رہا ٹرک نمبر (ایم پی-09-ایچ جی-9754) ان کی بائیک سے ٹکرا گیا۔ عینی شاہدین نے بتایا کہ ٹکر کے بعد ڈرائیور ٹرک کو نہیں روک سکا اور بائیک سوار کو کافی دوری تک گھسیٹتا رہا۔ حادثے میں بزرگ کی موقع پر ہی موت ہو گئی۔ واقعے کے بعد آس پاس موجود لوگوں نے ٹرک کا پیچھا کر کے اسے رکوایا اور پولیس کو اطلاع دی۔ اطلاع ملتے ہی سٹی تھانہ پولیس موقع پر پہنچ گئی اور لاش کو قبضے میں لے کر پوسٹ مارٹم کے لیے اسپتال بھجوا دیا۔

تھانہ انچارج شیورام سنگھ چوہان نے بتایا کہ حادثے کا شکار ٹرک کو ضبط کر لیا گیا ہے۔ ڈرائیور کے خلاف غیر ارادتاً قتل سمیت متعلقہ دفعات کے تحت کیس درج کر کے تفتیش شروع کر دی گئی ہے۔ پولیس حادثے کی وجوہات کی بھی جانچ کر رہی ہے۔

ہندوستھان سماچار

---------------

ہندوستان سماچار / انظر حسن