کانپور، 14 جون (ہ س)۔ اتر پردیش کے شہر کانپور کے چھاؤنی اسمبلی حلقے کی خستہ حال سڑک اور کئی برسوں سے زیر التوا ریلوے اوور برج کی تعمیر کے مسئلے پر سماجوادی پارٹی کے رکنِ اسمبلی محمد حسن رومی نے اتوار کے روز وزیر اعظم نریندر مودی اور وزیر دفاع راج ناتھ سنگھ کو خط ارسال کر کے مداخلت کی اپیل کی ہے۔

اتوار کو سجات گنج کراسنگ کے قریب سماجوادی پارٹی کے کارکنوں نے سڑک کی خراب حالت کے خلاف دھرنا اور احتجاج کیا، جس میں رکنِ اسمبلی حسن رومی بھی شریک ہوئے۔ دھرنے کے بعد کارکنوں اور مقامی شہریوں کے ساتھ تقریباً 200 میٹر طویل پیدل مارچ بھی نکالا گیا۔

حسن رومی نے کہا کہ سی او ڈی کراسنگ سے ہری ہرناتھ دھام اور شیام نگر کو ملانے والی مرکزی سڑک گزشتہ پانچ برسوں سے انتہائی خراب حالت میں ہے۔ سڑک پر موجود گہرے گڑھوں کی وجہ سے روزانہ ہزاروں افراد کو مشکلات کا سامنا کرنا پڑتا ہے۔ بارش کے موسم میں صورتحال مزید سنگین ہو جاتی ہے اور حادثات کا خطرہ کئی گنا بڑھ جاتا ہے۔

انہوں نے کہا کہ عوامی مسائل کو لے کر جمہوری طریقے سے آواز بلند کی جا رہی ہے۔ اگر جلد کوئی حل نہ نکالا گیا تو عوامی مفاد میں اس تحریک کو مزید وسیع کیا جائے گا۔

ہندوستھان سماچار

---------------

ہندوستان سماچار / عبدالواحد