ماہواری سے متعلق صحت بیداری پروگرام منعقد
علی گڑھ، 04 مئی (ہ س)۔ علی گڑھ مسلم یونیورسٹی میں آئی آئی ایم یو این اقدام کے تحت ماہواری کے دوران حفظانِ صحت سے متعلق آگہی پروگرام منعقد کیا گیا۔ پروگرام کی نظامت ڈاکٹر ناہید اکبری نے کی جبکہ مسٹر نعیم احمد نے استقبالیہ کلمات ادا کرتے ہوئے ماہواری صحت سے متعلق شعور اجاگر کرنے کی اہمیت پر روشنی ڈالی۔
ڈاکٹر ثنا صدیقی، ایم ایس (گائناکولوجی و آبسٹیٹرکس)، جے این ایم سی نے اپنے خطاب میں حفظانِ صحت کے اصولوں، احتیاطی تدابیر اور سماجی سطح پر مزید بیداری پیدا کرنے کی ضرورت پر زور دیا۔
یہ پروگرام اے ایم یو کے ریسرچ اسکالر مسٹر فرحان زبیری، منیجنگ ڈائریکٹر، زبیری ویلفیئر سوسائٹی کی قیادت میں منعقد کیا گیا۔ کنوینر ڈاکٹر ناہید اکبری اور ڈاکٹر فوزیہ فریدی نے پروگرام کی تنظیم میں اہم کردار ادا کیا، جبکہ ڈاکٹر محمد محسن خان نے بطور سرپرست رہنمائی کی۔ پروگرام کی صدارت کرتے ہوئے ڈاکٹر عبدالجبار نے ماہواری حفظانِ صحت سے متعلق آگہی کی سماجی اہمیت کو اجاگر کیا۔ آخر میں ڈاکٹر فوزیہ فریدی نے اظہارِ تشکر کیا۔
ہندوستھان سماچار
--------------
ہندوستان سماچار / سید کامران علی گڑھ
04 May 2026
