لکھنو¿،4مئی (ہ س)۔ اتر پردیش کانگریس کمیٹی کے ریاستی صدر اور سابق وزیر اجے رائے کی طبیعت بگڑنے پرانہیں لکھنو کے میدانتا اسپتال میں داخل کرایا گیا ہے۔ پیر کو شاہی امام عیدگاہ مولانا خالد رشید فرنگی محلی، شیعہ مرکزی چاند کمیٹی کے صدر اور ممتاز شیعہ مذہبی رہنما مولانا سید سیف عباس نقوی اور آل انڈیا شیعہ پرسنل لا بورڈ کے جنرل سکریٹری مولانا یعسوب عباس نے ان کی خیریت دریافت کرنے کے لیے ان کی عیادت کی۔ سب نے ان کی جلد صحت یابی کے لیے دعا کی۔

اس موقع پر کانگریس کے سینئر قائدین، سابق وزیر معید احمد، سبکدوش ہونے والے ریاستی جنرل سکریٹری مکیش سنگھ چوہان اور ارشد اعظمی نمایاں طور پر موجود تھے۔

اس موقع پر ریاستی کانگریس کے صدر اجے رائے نے کہا کہ کانگریس پارٹی محبت، بھائی چارہ اور شمولیتی سیاست کے لیے کھڑی ہے، اور سماج کے معزز ستونوں کی طرف سے یہ حمایت ہماری جدوجہد کو نئی توانائی بخشتی ہے۔ سماج کے روشن خیال ارکان کی یہ محبت اور تعلق کانگریس کی جامع اور برادرانہ سیاست کی طاقت ہے۔

رائے نے کہا کہ یہ ملاقات گنگا جمنی ثقافت اور آپسی بھائی چارے کی اٹوٹ روایت کی علامت ہے جس کو برقرار رکھنے کے لیے کانگریس ہمیشہ پابند رہی ہے۔

---------------

ہندوستان سماچار / عبدالسلام صدیقی