نئی دہلی، 29 مئی (ہ س)۔آٹوموبائل سیکٹر کے لیے لوازمات تیار کرنے والی کمپنی آٹو فرنش کے حصص نے آج اسٹاک مارکیٹ میں پریمیم انٹری کے ساتھ اپنے آئی پی او سرمایہ کاروں کو خوش کردیا۔ تاہم، ان کی خوشی قلیل مدتی رہی، کیونکہ کمپنی کے حصص منافع وصولی کی وجہ سے لسٹنگ کے فوراً بعد لوئر سرکٹ میں گر گئے۔

کمپنی کے حصص آئی پی او کے تحت 41روپیہ کی قیمت پر جاری کیے گئے تھے۔ آج، اس کی لسٹنگ بی ایس ای کے ایس ایم ای پلیٹ فارم پر 43 روپیہ کی سطح پر ، پانچ فیصد پریمیم میں درج کی گئی۔ لسٹنگ کے بعد، فروخت کے دباو¿ کی وجہ سے حصص 40.85 کے نچلے سرکٹ کی سطح پر گر گئے۔ اس طرح آئی پی او سرمایہ کاروں کو ٹریڈنگ کے پہلے دن ہی نقصان کا سامنا کرنا پڑا۔

آٹوفرنش کا 14.60 کروڑ کا آئی پی او 21 اور 25 مئی کے درمیان سبسکرپشن کے لیے کھلا تھا۔ آئی پی اوکو سرمایہ کاروں کی طرف سے ہلکا رسپانس ملا، جس کے نتیجے میں مجموعی طور پر 1.21 گنا سبسکرپشن ہوا۔ ان میں سے، غیر ادارہ جاتی سرمایہ کاروں (این آئی آئی) کے لیے مخصوص حصہ 1.17 گنا سبسکرائب کیا گیا۔ اسی طرح خوردہ سرمایہ کاروں کے لیے مختص حصہ کو بھی 1.17 گنا سبسکرائب کیا گیا۔ اس آئی پی او کے تحت 35.61 لاکھ نئے حصص جاری کیے گئے جن کی قیمت 10 روپے ہر ایک ہے۔ کمپنی آئی پی او کے ذریعے اکٹھے ہونے والے فنڈز کو نئی مشینری خریدنے، ورکنگ کیپیٹل کی ضروریات کو پورا کرنے اور عام کارپوریٹ مقاصد کے لیے استعمال کرے گی۔

کمپنی کی مالی حالت کے بارے میں بات کرتے ہوئے، جیسا کہ کیپٹل مارکیٹ ریگولیٹر سیبی کو پیش کیے گئے ڈرافٹ ریڈ ہیرنگ پراسپیکٹس (ڈی آر ایچ پی) میں دعویٰ کیا گیا ہے، اس کی مالی صحت مسلسل مضبوط ہو رہی ہے۔ مالی سال 2022-23 میں، کمپنی کا خالص منافع 16 لاکھ روپے تھا، جو اگلے مالی سال 24۔2023 میں بڑھ کر 1.63 کروڑ روپے ہو گیا۔ اگلے مالی سال 25۔2024 میں، کمپنی کا خالص منافع 3.50 کروڑ روپے تک پہنچ گیا۔ گزشتہ مالی سال 26۔2025 میں، اپریل سے 31 دسمبر 2025 تک، کمپنی کو 2.83 کروڑ روپے کا خالص منافع ہوا تھا۔

اس دوران کمپنی کی آمدنی میں بھی اضافہ ہوا۔ مالی سال23۔2022 میں، اس نے 10.60 کروڑ کی کل آمدنی حاصل کی، جو مالی سال 24۔2023 میں بڑھ کر 15.92 کروڑ ہو گئی اور مالی سال 25۔2024 میں مزید بڑھ کر 33.88 کروڑ ہو گئی۔ گزشتہ مالی سال26۔2025 میں، اپریل سے 31 دسمبر 2025 تک، کمپنی نے 28.32 کروڑ روپے کی آمدنی حاصل کی تھی۔

اس عرصے کے دوران کمپنی کی مجموعی مالیت میں بھی مسلسل اضافہ ہوا۔ مالی سال 23۔2022 کے اختتام پر، کمپنی کی مجموعی مالیت 7.50 کروڑ تھی، جو مالی سال 24۔2023 میں بڑھ کر 9.07 کروڑ ہو گئی اور مالی سال25۔2024 میں مزید بڑھ کر 14.71 کروڑ ہو گئی۔ گزشتہ مالی سال 26۔2025 میں، اپریل سے 31 دسمبر، 2025 تک، کمپنی کی مجموعی مالیت 17.57 کروڑ روپے تک بڑھ گئی۔

اس مدت کے دوران کمپنی کے رزرو اور سرپلس کی سطح میں اتار چڑھاو آیا۔ مالی سال 23۔2022 میں، وہ 6.99 کروڑ پر تھے، جو 24۔2023 میں بڑھ کر 8.56 کروڑ ہو گئے۔ 25۔2024 میں، کمپنی کےرزرو اور سرپلس 4.76 کروڑ تک کم ہو گئے۔ گزشتہ مالی سال، 26۔2025 میں، اپریل سے 31 دسمبر، 2025 تک، وہ 7.61 کروڑ تک پہنچ گئے۔

اسی طرح، ای بی آئی ٹی ڈی اے (ارننگ بفور انٹرسٹ ، ٹیکسز، ڈپریشئیشنس اینڈ ایمارٹائزیشن) 23۔2022 میں 85 لاکھ تھی، جو 24۔2023 میں بڑھ کر 2.82 کروڑ ہو گئی۔ اسی طرح، کمپنی کا ی بی آئی ٹی ڈی اے 25۔2024 میں 5.11 کروڑ تک پہنچ گیا، جو گزشتہ مالی سال 26۔2025 میں اپریل سے 31 دسمبر 2025 تک 4.49 کروڑ تھا۔

---------------

ہندوستان سماچار / عبدالسلام صدیقی