کاٹھمانڈو، 27 مئی (ہ س)۔

سری لنکا نے نیپالی شہریوں کے لیے مفت سیاحتی ویزا کا نظام نافذ کیا ہے۔ نیپالی شہریوں کو اب مفت سیاحتی ویزا (الیکٹرانک ٹریول اتھارٹی - ای ٹی اے) دیا جائے گا۔ سری لنکا کی حکومت نے یہ نئی سہولت نیپال سمیت 40 ممالک کے شہریوں کو فراہم کرنے کا فیصلہ کیا ہے۔

کاٹھمانڈومیں سری لنکا کے سفارت خانے نے بتایا ہے کہ یہ نظام یکم جون سے لاگو کیا جا رہا ہے۔ اس نئی شق کے تحت سیاحتی مقاصد کے لیے سری لنکا کا سفر کرنے والے نیپالی شہری 30 دن کا ڈبل انٹری ٹورسٹ ویزا مکمل طور پر مفت حاصل کر سکیں گے۔ پہلے اس ویزا کے لیے ایک مقررہ فیس درکار تھی۔ خیال کیا جا رہا ہے کہ اس اقدام سے دونوں ممالک کے درمیان سیاحتی تعلقات مزید مضبوط ہوں گے۔

سری لنکا کا سفر کرنے والے مسافروں کو سری لنکا کے امیگریشن ڈیپارٹمنٹ کی آفیشل ویب سائٹ یا کاٹھمانڈو میں سری لنکا کے سفارت خانے سے رابطہ کر کے روانگی سے پہلے ای ٹی اے حاصل کرنا ہوگا۔

ہندوستھان سماچار

ہندوستان سماچار / عطاءاللہ