علی گڑھ،28 اپریل (ہ س)۔

علی گڑھ مسلم یونیورسٹی کے شعبہ ابلاغِ عامہ کی گیسٹ فیکلٹی ممبر ڈاکٹر تنوین اسلم کاووسہ کو ایک بین الاقوامی کانفرنس میں سکنڈ بیسٹ پیپر ایوارڈ سے نوازا گیا۔ کانفرنس کا موضوع تھا: خلل، استقامت اور پائیداری: قانون، کاروباری حکمت عملی، ابلاغ اور صنعت کاری کے ذریعے عالمی ماحولیاتی نظام کے مستقبل کی تشکیل۔ یہ کانفرنس ذاکر حسین کالج، دہلی یونیورسٹی؛ مرکز برائے میڈیا و ابلاغِ عامہ مطالعات، جامعہ ہمدرد، نئی دہلی؛ اور دہلی میٹروپولیٹن ایجوکیشن کے اشتراک سے منعقد ہوئی۔

ڈاکٹر کاووسہ نے ”بچوں میں اسکرین کا حد سے زیادہ استعمال: تحقیقی شواہد، ذرائع ابلاغ کی رپورٹس اور پُرتشدد ویڈیو کھیلوں کے مواد کا تجزیہ“ کے عنوان پر اپنا تحقیقی مقالہ پیش کیا، جسے کانفرنس میں شریک ماہرین اور شرکاء نے بے حد سراہا۔

ہندوستھان سماچار

ہندوستان سماچار / سید کامران علی گڑھ