جموں, 29 اپریل (ہ س)۔

جموں و کشمیر کے ضلع راجوری میں انتظامیہ نے منشیات کے خلاف نگرانی کو مؤثر بنانے اور عوامی شمولیت کو فروغ دینے کے لیے پنچایت سطح پر 1670 خواتین کمیٹیاں قائم کر دی ہیں۔یہ اقدام ڈپٹی کمشنر ابھیشیک شرما کی جانب سے منگل کو شروع کیا گیا، جو ضلع میں جاری نشہ مکت جموں و کشمیر ابھیان کے تحت 100 روزہ مہم کا حصہ ہے۔حکام کے مطابق ضلع بھر میں 1670 مہیلا سمیتیاں تشکیل دی گئی ہیں، جبکہ ان کی مؤثر کارکردگی کو یقینی بنانے کے لیے سب ڈویژن سطح پر تربیتی اور عملی سیشنز بھی منعقد کیے جا رہے ہیں۔انہوں نے بتایا کہ اس اقدام کا مقصد نچلی سطح پر نگرانی کو مضبوط بنانا اور خاص طور پر خواتین کو منشیات سے متعلق سرگرمیوں کی نشاندہی اور رپورٹنگ میں شامل کرنا ہے۔حکام کے مطابق مختلف پنچایتوں سے تعلق رکھنے والی خواتین نے اجلاسوں میں شرکت کی اور مہم میں فعال کردار ادا کرنے کا عہد کیا۔

انتظامیہ نے کمیٹی اراکین پر زور دیا کہ وہ چوکس رہیں اور منشیات کے خلاف جنگ میں انتظامیہ اور قانون نافذ کرنے والے اداروں کے ساتھ قریبی تال میل رکھیں۔

ہندوستھان سماچار

---------------

ہندوستان سماچار / محمد اصغر