جموں, 29 اپریل (ہ س)۔

جموں و کشمیر کے لیفٹیننٹ گورنر منوج سنہا نے بدھ کے روز لوک بھون جموں میں ایک اعلیٰ سطحی سیکورٹی جائزہ میٹنگ کی صدارت کی، جس میں موجودہ سیکورٹی صورتحال کا جائزہ لینے کے ساتھ ساتھ آئندہ امرناتھ یاترا کی تیاریوں پر غور کیا گیا۔میٹنگ میں ڈائریکٹر جنرل آف پولیس نلین پربھات سمیت پولیس اور انتظامیہ کے اعلیٰ افسران نے شرکت کی۔ اجلاس میں امن و قانون کی صورتحال اور مربوط سیکورٹی انتظامات پر تفصیلی تبادلہ خیال کیا گیا۔

ذرائع کے مطابق میٹنگ میں جموں و کشمیر کی مجموعی سیکورٹی صورتحال کا جائزہ لیا گیا، خاص طور پر سالانہ امرناتھ یاترا کے محفوظ اور پُرامن انعقاد کو یقینی بنانے پر زور دیا گیا، جس میں ہر سال ہزاروں یاتری شرکت کرتے ہیں۔اجلاس کے دوران حساس علاقوں میں احتیاطی اقدامات کو مزید مضبوط بنانے اور ہائی الرٹ برقرار رکھنے پر بھی زور دیا گیا۔ لیفٹیننٹ گورنر نے سیکورٹی ایجنسیوں کے درمیان بہتر تال میل اور کسی بھی ہنگامی صورتحال سے نمٹنے کے لیے فوری ردعمل کو یقینی بنانے کی ہدایت دی۔

میٹنگ میں منشیات سے پاک معاشرہ قائم کرنے کے لیے جاری مہم کا بھی جائزہ لیا گیا، جس میں منشیات کے خلاف کارروائیوں کو تیز کرنے اور عوامی بیداری مہمات کو فروغ دینے پر زور دیا گیا۔ حکام نے منشیات کے استعمال کی روک تھام کے لیے مزید مؤثر حکمت عملی اپنانے پر بھی تبادلہ خیال کیا۔

ہندوستھان سماچار

---------------

ہندوستان سماچار / محمد اصغر