چار کروڑ روپے غبن کے الزام میں آر ٹی آئی کارکن کو ملی دھمکینوادہ، 28 اپریل (ہ س)۔ ضلع کے رہائشی مشہور آر ٹی آئی کارکن پرن کمار چرچل نے منگل کے روز بہار کے ڈائریکٹر جنرل آف پولیس اور پٹنہ ہائی کورٹ کے چیف جسٹس سمیت سینئر عہدیداروں کوایک خط بھیج کر وارث علی گنج بلاک کے سبکدوش اورنگ آباد کے دیو کے منریگا پروگرام آفیسر پنکج کمار سے جان کو خطرہ بتاتے ہوئے کارروائی کا مطالبہ کیا ہے۔ پرن کمارچرچل نے بتایا کہ 35 منٹ تک پروگرام افسر گیا میں ان کی رہائش گاہ پرملنے کیلئے اصرار کر رہے تھے۔ پھربار بار مل کر بات کرنے کی ضد پر اڑے تھے۔ ان کے لہجے سے بتا رہا تھا کہ وہ مل کر کسی ناخوشگوار واقعہ کو انجام دینا چاہتے ہیں جس کی اطلاع ضلع منریگا پروگرام افسر نوادہ کودی گئی ہے۔ انہوں نے بھی انہیں ایسا کرنے سے منع کیا، بعد میں ڈی ڈی سی کے ساتھ وی سی کی بات کہہ کر فون کاٹ دیا۔چرچل نے کہا کہ منریگا 4 کروڑ کے گھوٹالے کی جانچ چل رہی ہے۔ بلاک پروگرام آفیسر پنکج کمار نے 16,000 روپے لے کر بھی انہیں اطلاع نہیں دی۔ ایک طرح سے یہ سنگین معاملہ بنتا ہے۔ ان کے خلاف بھی جانچ کے معاملے چل رہے ہیں۔ انہوں نے کہا کہ اگر ان کے خلاف کارروائی نہیں کی گئی تو ممکن ہے کہ وہ میرا قتل کر دیں گے۔ آر ٹی آئی کارکن نے کہا کہ اگر کارروائی نہیں کی گئی تو ان کاقتل بھی کیا جا سکتا ہے۔ اس خط نے انتظامی محکمہ میں ہلچل مچا دی ہے۔ ان کا ماننا ہے کہ اگر کارروائی نہ کی گئی تو یقینی طور پر ان کی جان کو خطرہ ہے جس کے ذمہ دار انتظامی افسران ہوں گے۔

ہندوستھان سماچار

ہندوستان سماچار / Mohammad Afzal Hassan