اے ایم یو میں الائیڈ اینڈ ہیلتھ کیئر کورسیز کا داخلہ امتحان اب 5 مئی کو ہوگا

علی گڑھ، 27 اپریل (ہ س)۔ علی گڑھ مسلم یونیورسٹی نے تعلیمی سیشن2026-27 کے لیے الائیڈ اینڈ ہیلتھ کیئر میں بیچلر ڈگری / ڈپلوما اور بی آر ٹی ٹی کورسز کے داخلہ امتحان کی تاریخ میں تبدیلی کی ہے۔ کنٹرولر امتحانات (ایڈمیشن سیکشن) دفتر کی جانب سے جاری اطلاع کے مطابق، یہ امتحان جو پہلے یکم مئی 2026 کو شام چار بجے ہونے والا تھا اب 5 مئی 2026 کو ہوگا۔

یونیورسٹی نے واضح کیا ہے کہ امتحان کا مقام اور وقت پہلے کے مطابق ہی رہے گا۔ اس کے علاوہ یکم مئی کی تاریخ کے لیے جاری شدہ ایڈمٹ کارڈ نئی تاریخ کے لیے بھی مؤثر رہیں گے اور نیا ایڈمٹ کارڈ ڈاؤن لوڈ کرنے کی ضرورت نہیں ہے۔

ہندوستھان سماچار

--------------

ہندوستان سماچار / سید کامران علی گڑھ