نلباڑی (آسام)، 20 اپریل (ہ س)۔ بہاگ بیہو کی تقریبات کے درمیان، اتوار کی دیر شام نلباڑی ضلع کے گھوگھراپار پولیس اسٹیشن کے تحت واقع کٹاباری گاو¿ں، نج برشیرال میں ایک دل دہلا دینے والا واقعہ پیش آیا۔ دریائے پگلادیا میں نہانے گئی ایک نوعمر لڑکی اور دو خواتین سمیت تین افراد ڈوب گئے۔ گھوگھراپار پولیس نے پیر کے روز کہا کہ واقعے کی تفتیش جاری ہے۔

مقامی لوگوں نے تینوں کو بے ہوشی کی حالت دریا سے نکال کر اسپتال پہنچایا جہاں ڈاکٹروں نے انہیں مردہ قرار دے دیا۔ مرنے والوں کی شناخت گڈو ڈیکا (35) ساکن نج برشیرال گاو¿ں، گوہاٹی کے پنجابری کی رہنے والیپنکی داس (24، گڈو ڈیکا کی بہن) اور روہت گٹونگ (27) کے طور پر کی گئی ہے۔ پنکی اور روہت مبینہ طور پر بیہو منانے گڈو کے گھر گئے تھے ۔

مقامی لوگوں کا الزام ہے کہ دریائے پگلادیا کے کنارے پشتے بنانے کے لیے کھدائی کے کام کے دوران ایک بڑا گڑھا بنا دیا گیاتھا۔ تینوں افراد ندی میں نہانے گئے اور افسوسناک طور پر گڑھے میں ڈوب گئے۔

پولیس نے تینوں لاشوں کو پوسٹ مارٹم کے لیے نلباڑی ڈسٹرکٹ اسپتال بھیج دیا۔ پولیس نے ایف آئی آر درج کر لی ہے اور تفتیش جاری ہے۔ علاقہ کے مکینوں نے پشتوں کی تعمیر میں ملوث ایجنسی کے خلاف ضروری کارروائی کا مطالبہ کیا ہے۔

ہندوستھان سماچار

ہندوستان سماچار / محمد شہزاد