کوچ بہار، 2 اپریل (ہ س): کوچ بہار جنوبی اسمبلی حلقہ کے لئے جمعرات کو پرچہ نامزدگی داخل کرنے کے دوران کشیدگی کشیدگی پیدا ہوگئی۔ ضلع مجسٹریٹ (ایس ڈی او) کے دفتر کے احاطے کے قریب ساگردیگھی علاقے میں ترنمول کانگریس اور بی جے پی کے حامیوں کے درمیان جھڑپیں ہوئیں۔
اطلاعات کے مطابق بی جے پی امیدوار راتھیندرناتھ باسو اپنا پرچہ نامزدگی داخل کرنے کے لیے پہلے ہی پہنچ چکے تھے، اور ان کے حامی ساگردیگھی کے جنوب مشرقی کونے میں جمع تھے۔ اسی وقت ترنمول امیدوار ابھیجیت ڈی بھومک اپنے حامیوں کے ساتھ ایک ریلی کی قیادت کرتے ہوئے پہنچے۔
دونوں فریقین کے آمنے سامنے ہوتے ہی ماحول گرم ہو گیا اور نعرے بازی شروع ہو گئی جو جلد ہی ہاتھا پائی تک پہنچ گئی۔
حالات کو بگڑتے دیکھ کر موقع پر تعینات پولیس اور مرکزی فورسز نے لاٹھی چارج کرکے بھیڑ کو کنٹرول کیا۔
ترنمول کانگریس کے امیدوار ابھیجیت ڈی بھومک نے پولیس اور مرکزی فورسز پر تعصب کا الزام لگاتے ہوئے سڑک پر دھرنا دیا۔ انہوں نے کہا کہ پولیس بی جے پی کے کہنے پر کام کر رہی ہے جس کی وجہ سے یہ صورتحال پیدا ہوئی ہے۔
اس واقعے کے بعد انتظامیہ کے کردار پر سوالات اٹھ رہے ہیں کیونکہ ایس ڈی او آفس تک پہنچنے کے لیے الگ الگ راستے ہونے کے باوجود دونوں جماعتوں کی ریلیوں کو ایک ہی راستے سے آگے بڑھنے دیا گیا۔ فی الحال علاقے میں پولیس کی بھاری نفری تعینات ہے اور صورتحال پر نظر رکھی جا رہی ہے۔
---------------
ہندوستان سماچار / عبدالسلام صدیقی
02 Apr 2026