وارانسی، 15 اپریل (ہ س)۔

وارانسی میں ایم پی ایم ایل اے اسپیشل کورٹ کے جج یاجوویندر وکرم سنگھ نے بدھ کے روز سابق ایم پی دھننجے سنگھ پر قاتلانہ حملے کے مرکزی ملزم ایم ایل اے ابھے سنگھ سمیت تین افراد کو بری کر دیا۔ عدالت نے شواہد کی کمی کو بنیاد بنا کر تینوں کو بڑی راحت دی ہے۔

4 اکتوبر 2002 کو سابق ایم پی دھننجے سنگھ کے قافلے پر وارانسی ضلع کے علاقے ندیسر میںٹکسال سنیما کے قریب اے کے 47 کی اندھا دھند فائرنگ سے حملہ کیا گیا۔ اس حملے میں دھننجے سنگھ، اس کے گنر اور ڈرائیور سمیت کل پانچ افراد زخمی ہوئے۔ اس معاملے میں ابھے سنگھ سمیت تین افراد کے خلاف مقدمہ درج کیا گیا تھا۔ آج عدالت نے تینوں ملزموں کو تمام الزامات سے بری کر دیا۔

ہندوستھان سماچار

ہندوستان سماچار / عطاءاللہ