ناگرکوول، 15 اپریل (ہ س)۔ وزیراعظم نریندر مودی آج تمل ناڈو کے ناگرکوول میں شام کو ایک پرشکوہ روڈ شو میں حصہ لیں گے۔ اس روڈ شو میں بھارتیہ جنتا پارٹی (بی جے پی) کی قیادت والے قومی جمہوری اتحاد (این ڈی اے) کے امیدوار اور اہم رہنما موجود رہیں گے۔ تمل ناڈو اسمبلی انتخابات میں اب گنتی کے لحاظ سے صرف ایک ہفتہ ہی باقی بچا ہے۔ وزیراعظم مودی دہلی سے خصوصی طیارے کے ذریعے کیرلم کے تروننت پورم ہوائی اڈے پر پہنچیں گے۔ وہاں سے سہپہر 3.30 بجے خصوصی ہیلی کاپٹر سے شام 4.10 بجے ناگرکوول پہنچیں گے۔

اس کے بعد 4.15 بجے ناگرکوول میں بنائے گئے ہیلی پیڈ سے ویپ موڈو علاقے تک کار کے ذریعے جائیں گے۔ وزیراعظم شام 4.30 سے 5.30 بجے تک ویپ موڈو سے وڈسیری تک تقریباً 1.5 کلومیٹر طویل پرشکوہ روڈ شو میں حصہ لیں گے۔ اس کے بعد شام 5.45 بجے ناگرکوول سے ہیلی کاپٹر کے ذریعے تروننت پورم روانہ ہوں گے۔ وہاں سے شام 6.20 بجے خصوصی طیارے سے دہلی جائیں گے۔ 18 اپریل کو کوئمبٹور میں ہونے والے جلسہ عام میں بھی وزیراعظم مودی شرکت کریں گے۔ اس سے قبل وزیراعظم چینگلپٹو ضلع کے مدورانتکم اور مدورائی میں عوامی جلسوں سے خطاب کر چکے ہیں۔

ہندوستھان سماچار

---------------

ہندوستان سماچار / انظر حسن