علی گڑھ, 15 اپریل (ہ س)فیکلٹی آف یونانی میڈیسن کے شعبہ کلیات کے فیکلٹی ممبر پروفیسر اشہر قدیر کو 15 اپریل 2026 سے آئندہ تین سال کی مدت کے لیے شعبہ کا نیا چیئرمین مقرر کیا گیا ہے۔

یونانی طب کے ممتاز ماہر تعلیم اور محقق پروفیسر قدیر کو تدریس و تحقیق کا تین دہائیوں سے زائد کا تجربہ حاصل ہے۔ وہ 2016 میں بطور پروفیسر اے ایم یو سے وابستہ ہونے سے قبل جامعہ ہمدرد، نئی دہلی میں مختلف عہدوں پر فائز رہ چکے ہیں۔ اپنے کریئر کے مختلف مراحل میں وہ شعبے کے سربراہ کے طور پر انتظامی ذمہ داریاں انجام دے چکے ہیں۔پروفیسر قدیر نے جامعہ ملیہ اسلامیہ سے پی ایچ ڈی کی ڈگری حاصل کی ہے۔ انہوں نے تحقیقی مقالوں اور یونانی طب و طبی تعلیم پر تصنیف کردہ کتب کے ذریعے اس میدان میں نمایاں خدمات انجام دی ہیں۔ان کی علمی دلچسپی کے شعبوں میں یونانی طب کے بنیادی اصول، طبی اخلاقیات، اور روایتی علم کو جدید سائنسی فہم کے ساتھ ہم آہنگ کرنا شامل ہے۔ وہ متعدد قومی و بین الاقوامی کانفرنسوں میں بطور ماہر اور ریسورس پرسن شرکت کر چکے ہیں۔ پروفیسر قدیر مختلف تعلیمی اور پیشہ ورانہ اداروں سے بھی وابستہ رہے ہیں اور یونانی طب میں اپنی علمی خدمات کے اعتراف میں کئی اعزازات حاصل کر چکے ہیں۔

---------------

ہندوستان سماچار / سید کامران علی گڑھ