وزیراعظم مودی آج کرناٹک کے دورے پر، آدی چنچنگری میں شری گرو بھیروویکیہ مندر کا افتتاح کریں گے

بنگلورو، 15 اپریل (ہ س)۔ وزیراعظم نریندر مودی آج کرناٹک کے دورے پر رہیں گے۔ وزیراعظم صبح تقریباً 11.00 بجے شری کشیترآدی چنچنگری پہنچیں گے، جہاں وہ شری گرو بھیروویکیہ مندر کا افتتاح کریں گے۔ اس موقع پر وزیراعظم ایک جلسہ عام سے خطاب بھی کریں گے۔ وزیراعظم مودی سابق وزیراعظم ایچ ڈی دیوے گوڑا کے ساتھ مشترکہ طور پر ’’سوندریہ لہری اور شیو مہیمنا استوترم‘‘ کتاب کی رونمائی بھی کریں گے۔

شری گرو بھیروویکیہ مندر، شری آدی چنچنگری مہا سنستھان مٹھ کے 71 ویں پیٹھادھیشور ڈاکٹر بال گنگادھر ناتھ مہا سوامی جی کے لیے وقف ایک یادگار ہے۔ روایتی دراوڑی طرزِ تعمیر میں تیار کردہ یہ مندر آنجہانی سنت کی زندگی، ان کے تعاون اور وراثت کے لیے وقف ہے۔ مندر کو صرف پوجا استھل کے طور پر ہی نہیں، بلکہ آنے والی نسلوں کے لیے ایک ترغیباتی مرکز کے طور پر بھی تیار کیا گیا ہے۔

ڈاکٹر بال گنگادھر ناتھ مہا سوامی جی نے کئی تعلیمی اداروں اور طبی سہولیات کی بنیاد رکھی تھی۔ ان کا ماننا تھا کہ معاشرے کی خدمت ہی سب سے بڑی عبادت ہے۔ ان کی تعلیمات ذات پات، مذہب اور خطے کی سرحدوں سے بالاتر ہو کر لاکھوں لوگوں کو متاثر کرتی رہی ہیں۔

ہندوستھان سماچار

---------------

ہندوستان سماچار / انظر حسن