نوجوان اپنی موٹر سائیکل پر پیزا ڈیلیور کرنے جا رہا تھا۔

گروگرام، 15 اپریل (ہ س) تھار کے ایک ڈرائیور نے موٹر سائیکل پر سوار ڈیلیوری بوائے کو کچل دیا۔ وہ پیزا ڈیلیور کرنے جا رہا تھا۔ راہگیروں نے ڈیلیوری بوائے کے موبائل فون سے ان کے مینیجر کو کال کی۔ منیجر سنجے جائے وقوعہ پر پہنچے اور اسے سول اسپتال لے گئے۔ ڈاکٹروں نے اسے مردہ قرار دے دیا۔ تھار ڈرائیور حادثے کے فوراً بعد فرار ہو گیا۔ پولیس کے ترجمان سندیپ کمار نے بدھ کو کہا کہ ملزم کی تلاش کی جا رہی ہے۔

اطلاعات کے مطابق ڈیلیوری بوائے پروین کمار اتر پردیش کے جالون کے گاو¿ں جک دیو پور کا رہنے والا تھا۔ وہ سیکٹر 49 میں اومیکس مال میں ڈومینوز پیزا ہٹ میں کام کرتا تھا۔ وہ سیکٹر 71 میں سی ایچ ڈی سوسائٹی میں اپنے خاندان کے ساتھ رہتا تھا۔ بدھ کی دوپہر پروین کمار اپنی موٹر سائیکل پر پیزا ڈیلیور کرنے کے لیے نکلا۔ وہ ریڈیسن بلو ہوٹل کے قریب پہنچ چکا تھا۔ اسی دوران آئی ٹی اسپیس پارک کے قریب تھار گاڑی چلانے والا نوجوان تیز رفتاری سے پیچھے سے آیا اور پروین کی موٹر سائیکل کو ٹکر مار دی۔ پروین اپنی بائک سمیت سڑک پر گرا اور شدید زخمی ہوگیا۔ اسے اسپتال میں داخل کرایا گیا، جہاں ڈاکٹروں نے اسے مردہ قرار دے دیا۔ حادثے کا سبب بننے والا تھار ڈرائیور موقع سے فرار ہو گیا۔ بتایا جاتا ہے کہ پروین کمار اپنے خاندان کا واحد کمانے والا تھا، جو اپنے والدین اور چھوٹے بہن بھائیوں کی کفالت کرتا تھا۔ پولیس کے ترجمان سندیپ کمار نے بدھ کو بتایا کہ پروین کمار کی ماں اوشا دیوی کی شکایت پر پولیس نے ملزم تھار ڈرائیور کے خلاف سیکٹر 50 پولیس اسٹیشن میں مقدمہ درج کر لیا ہے۔ ملزمان کی تلاش شروع کر دی گئی ہے۔

---------------

ہندوستان سماچار / عبدالسلام صدیقی