تاریخ میں 14 اپریل کا دن ہندوستان کے عظیم سماجی مصلح، ماہرِ قانون اور آئین ساز ڈاکٹر بھیم راو امبیڈکر کے یومِ پیدائش کے طور پر سنہری حروف میں درج ہے۔ سال 1891 میں مدھیہ پردیش کے مہو (اب ڈاکٹر امبیڈکر نگر) میں پیدا ہونے والے ڈاکٹر امبیڈکر نے پوری عمر سماجی مساوات اور انصاف کے لیے جدوجہد کی۔ دلت خاندان میں پیدا ہونے کی وجہ سے انہیں بچپن سے ہی امتیازی سلوک کا سامنا کرنا پڑا، لیکن انہوں نے تعلیم اور جدوجہد کے زور پر سماج میں بڑی تبدیلی لانے کا کام کیا۔ ان کی کوششوں سے ملک میں دلتوں کو سماجی اور قانونی حقوق ملے۔ ان کے یومِ پیدائش کو آج پورے ہندوستان میں یومِ مساوات اور یومِ علم کے طور پر بھی منایا جاتا ہے۔

ڈاکٹر امبیڈکر نے ہندوستانی آئین سازی میں اہم کردار ادا کیا اور اسے ایک ہمہ گیر اور منصفانہ دستاویز بنانے میں نمایاں تعاون دیا۔ ان کے خیالات آج بھی معاشرے کو مساوات اور حقوق کے تئیں بیدار کرتے ہیں۔

دیگر اہم واقعات:

1659 - اورنگزیب نے دہلی پر حکومت کی لڑائی میں دارا کو ہرایا۔

1865 - امریکہ کے 16 ویں صدر ابراہم لنکن کو واشنگٹن کے فورڈ تھیٹر میں گولی ماری گئی۔ اگلے دن انہوں نے دم توڑ دیا۔

1912 - برطانیہ کا پرتعیش جہاز ٹائٹینک برفانی تودے سے ٹکرایا۔

1919 - ہندی فلموں کی مشہور پلے بیک سنگر شمشاد بیگم کی پیدائش۔

1922 - مشہور ہندوستانی موسیقار اور سرود نواز علی اکبر خاں کی پیدائش۔

1958 - سوویت سیٹلائٹ سپوتنک-2 خلائی مشن کے 162 دن بعد تباہ ہوا۔

1981 - پہلا خلائی جہاز کولمبیا-1 زمین پر واپس لوٹا۔

1988 - سوویت یونین نے امریکہ، پاکستان اور افغانستان کے ساتھ جنیوا میں ایک معاہدے پر دستخط کر کے افغانستان سے اپنی فوجوں کے انخلا پر اتفاق کیا۔

1995 - ہندوستان چوتھی بار ایشیا کپ کرکٹ کا چیمپئن بنا۔

1999 - ملائیشیا کے برطرف نائب وزیر اعظم انور ابراہیم کو بدعنوانی کے معاملے میں چھ سال قید کی سزا۔

2002 - عالمی عدالتِ انصاف میں مقدمے کا سامنا کر رہے سربیا کے رہنما کا انتقال۔

2003 - اسرائیل کے وزیر اعظم ایریل شیرون مغربی کنارے سے کچھ یہودی بستیاں ہٹانے پر رضامند۔

2005 - ہندوستان اور امریکہ نے اپنی اپنی پروازوں کے شعبے ایک دوسرے کی ایئر لائنز کے لیے کھولنے کا اعلان کیا۔

2008 - اتر پردیش حکومت نے مغربی اتر پردیش کا جغرافیائی نقشہ بنانے کا اعلان کیا۔ کرلوکر برادرز کو دامودر ویلی کارپوریشن (ڈی وی سی) کے کوڈرما تھرمل پاور پروجیکٹ سے 166 کروڑ 77 لاکھ روپے کا آرڈر ملا۔

2008 - ہندوستان کے کولکاتا اور بنگلہ دیش میں ڈھاکہ کے درمیان 1965 کے بعد پہلی بار مسافر ریل سروس کا آغاز۔

2008 - ماہرینِ آثارِ قدیمہ نے مصر کے جزیرہ نما سینا سے رومی شہنشاہ ویلنز کے دور کے قدیم سکے برآمد کرنے کا دعویٰ کیا۔

2010 - مغربی بنگال، بہار، جھارکھنڈ اور اڈیشہ میں گردابی طوفان میں 123 افراد ہلاک ہو گئے۔

2010 - چین کے چنگھائی میں 6.9 شدت کا زلزلہ۔ تقریباً 2700 افراد کی موت۔

2010 - آئس لینڈ میں آتش فشاں سے آسمان میں راکھ کا ایسا غبار اٹھا کہ شمالی اور وسطی یورپ میں فضائی ٹریفک متاثر ہوئی۔

2011 - نیشنل سیکورٹی انڈیکس (این ایس آئی) کی جانب سے حال ہی میں کیے گئے سروے میں ہندوستان کو دنیا کا پانچواں طاقتور ترین ملک مانا گیا۔ فہرست میں امریکہ پہلے اور چین دوسرے نمبر پر ہے۔ جاپان اور روس کو بالترتیب تیسرا اور چوتھا مقام ملا ہے۔

2014 - اسلامی تنظیم بوکو حرام نے نائیجیریا میں چیبوک کے ایک بورڈنگ اسکول سے 275 لڑکیوں کو اغوا کیا۔

ہندوستھان سماچار

---------------

ہندوستان سماچار / انظر حسن