ڈھاکہ، 12 اپریل (ہ س)۔ بنگلہ دیش زرعی تحقیقاتی کونسل (بی اے آر سی) کے سابق ایگزیکٹو چیئرمین ڈاکٹر محمد عبد الرزاق کا ہفتہ کی دیر رات ڈھاکہ کے بنگلہ دیش اسپیشلائزڈ اسپتال میں علاج کے دوران انتقال ہو گیا۔ بی اے آر سی نے ڈاکٹر محمد عبد الرزاق کے انتقال پر گہرے دکھ کا اظہار کیا ہے اور سوگوار خاندان کے ارکان سے اپنی تعزیت کا اظہار کیا ہے۔

ڈھاکہ ٹریبیون اخبار کی رپورٹ کے مطابق، بنگلہ دیش زرعی تحقیقاتی کونسل نے کہا کہ ملک نے ایک ایسے ممتاز زرعی سائنسداں اور دور اندیش رہنما کو کھو دیا ہے، جن کی خدمات نے ملک کے زرعی تحقیقی شعبے کو نمایاں طور پر آگے بڑھایا۔ کونسل نے مرحوم کی روح کے سکون کے لیے اور ان کے خاندان کو اس ناقابلِ تلافی نقصان کو برداشت کرنے کی ہمت عطا ہونے کے لیے دعا کی ہے۔

انہیں بنگلہ دیش میں فارمنگ سسٹم ریسرچ اور پائیدار دیہی زرعی ترقی کے ماہر کے طور پر جانا جاتا ہے۔ انہوں نے کئی کتابیں لکھی ہیں۔ انہیں 2013 میں امریکہ کی پرڈیو یونیورسٹی نے باوقار ایگریکلچرل ایلومنائی ایوارڈ سے نوازا تھا۔

ہندوستھان سماچار

---------------

ہندوستان سماچار / انظر حسن