نئی دہلی، 10 اپریل (ہ س)۔ دہلی پولیس کے اسپیشل سیل کے آئی ایف ایس او یونٹ نے بین الاقوامی سطح پر سرگرم سم باکس سائبر فراڈ گینگ کا پردہ فاش کیا ہے۔ اس گروہ کے دو اہم ارکان کو جی ڈی کالونی، میور وہار فیز 3، مشرقی دہلی سے گرفتار کیا گیا ہے۔ ملزمان کی شناخت ویبھو راج عرف ایشو (29) اور انیل کمار (28) کے طور پر کی گئی ہے۔ پولیس کے مطابق یہ نیٹ ورک کمبوڈیا اور جنوب مشرقی ایشیا کے دیگر ممالک سے کام کر رہا تھا۔

آئی اید ایس اوکے ڈپٹی کمشنر آف پولیس ونیت کمار نے جمعہ کو کہا کہ تفتیش سے پتہ چلا ہے کہ ملزم نے غیر ملکی (وی او آئی پی کالز—ایک ٹیکنالوجی جو کہ روایتی ٹیلی فون لائنوں کے بجائے وائس کالز کو انٹرنیٹ کے ذریعے کرنے کی اجازت دیتی ہے) سم باکس ٹیکنالوجی (ایک آلہ جو انٹرنیٹ کے ذریعے بین الاقوامی کالوں کو مقامی کالوں میں ایک ساتھ متعدد سم کارڈ ڈال کر تبدیل کرتا ہے) کا استعمال کیا۔ زوم، یا اسکائپ کالز، جو اسمارٹ فونز، کمپیوٹرز، یا خصوصی آئی پی فونز) سے ہندوستانی موبائل نیٹ ورکس پر مقامی نمبروں کے طور پر کی جاسکتی ہیں۔ اس نے متاثرین کو یہ باور کرایا کہ کالز بھارت سے آرہی ہیں، جس سے وہ آسانی سے دھوکہ دہی کا شکار ہو گئے۔ اس ٹکنالوجی کا استعمال کرتے ہوئے، گروہ ڈیجیٹل گرفتاری اور دھوکہ دہی پر مبنی سرمایہ کاری اسکیموں کی آڑ میں لوگوں کو دھوکہ دیتا تھا۔

آپریشن سائی ہاک 4.0 کامیاب رہا۔

ڈپٹی کمشنر آف پولیس کے مطابق، 6 اور 7 اپریل کو کیے گئے آپریشن سائی ہاک 4.0 کے دوران، نیشنل سائبر کرائم رپورٹنگ پورٹل پر درج مقدمات کے تجزیہ کے ذریعے اس گینگ کے سراغ ملے۔ تحقیقات میں اس بات کی تصدیق ہوئی کہ غیر قانونی سم باکس سیٹ اپ جی ڈی کالونی، میور وہار فیز 3 میں ایک فلیٹ سے چلایا جا رہا تھا۔ اس کے بعد، پولیس ٹیم نے فلیٹ پر چھاپہ مار کر دونوں ملزمان کو گرفتار کر لیا۔

اس طرح انہوں نے جرم کو انجام دیا۔

گینگ کے ارکان لوگوں کو پولیس، سی بی آئی، کسٹم یا دیگر سرکاری ایجنسیوں کے افسر ظاہر کرتے ہوئے فون کرتے۔ وہ انہیں مطلع کرتے کہ ان کے خلاف کئی ایف آئی آر درج کی گئی ہیں اور ان کی گرفتاری کا امکان ہے۔ اس کے بعد وہ انہیں ڈیجیٹل گرفتاری کی دھمکی دیتے ہوئے اصرار کریں تے کہ وہ آن لائن نگرانی میں ہیں، اور پھر نام نہاد آر بی آئی اکاو¿نٹ میں رقم منتقل کراتے۔ بعد ازاں رقم واپس کرنے کا وعدہ کرکے دھوکہ دیتے تھے۔

ملزم کا کردار

پولیس کے مطابق، ویبھو راج سم باکس اور لیپ ٹاپ چلاتا تھا، اپنے نام سے انٹرنیٹ کنکشن اور اینی ڈیسک جیسی ایپس کے ذریعے غیر ملکی دھوکہ بازوں کو ریموٹ رسائی فراہم کرتا تھا۔ وہ اکثر سم کارڈ بدلتا رہتا تھا۔ اس دوران انیل کمار نے ایک فلیٹ کرائے پر لیا اور پوری کارروائی کی نگرانی کی۔ اس نے بینک کھاتوں کے ذریعے رقم کی لین دین اور لاجسٹک سپورٹ بھی سنبھالی۔ چھاپے کے دوران، پولیس نے ایک فعال 32 سلاٹ سم باکس، 350 سے زیادہ سم کارڈ، ایک لیپ ٹاپ، کئی موبائل فون، انٹرنیٹ کا سامان، چیک بکس اور کورئیر پیکٹ ضبط کرلئے۔ بی ایس این ایل کے تیس نئے سم کارڈ بھی برآمد کیے گئے، جو مستقبل میں استعمال کے لیے بنائے گئے تھے۔ تفتیش میں یہ بات سامنے آئی کہ ملزمان نے خچر اکاو¿نٹس کے ذریعے مختلف اکاو¿نٹس میں منتقل کر کے فراڈ کی رقم چھپائی۔ ستیم تیواری نامی شخص کے بینک اکاو¿نٹ سے جڑے تین معاملے بھی سامنے آئے ہیں۔ پولیس کا کہنا ہے کہ یہ ایک سنگین اور منظم کیس ہے جس میں ایک بین الاقوامی نیٹ ورک شامل ہے۔ اب وہ گینگ کے دیگر ارکان اور پوری منی ٹریل کی تفتیش کر رہے ہیں۔ دہلی پولیس نے لوگوں سے اپیل کی ہے کہ وہ ڈیجیٹل گرفتاری جیسی کالوں سے محتاط رہیں اور کسی بھی مشتبہ کال یا پیغام کی اطلاع فوری طور پر پولیس کو دیں۔

---------------

ہندوستان سماچار / عبدالسلام صدیقی