لو کش نے اسپرٹ کی ڈیلوری کنہیا یادو کو دی

مشرقی چمپارن، 10 اپریل (ہ س)۔ بہار کے مشرقی چمپارن ضلع میں پیش آئے زہریلی شراب معاملہ میں پولیس نے ایک اہم کامیابی حاصل کی ہے۔ پولیس نےموت کا سودا گر اسپرٹ سپلائیر کوٹوا کے لو کش یادو کو گرفتار کیا ہے۔ بتایا گیا ہے کہ شراب معاملے کا ماسٹر مائنڈ کنہیا یادو نے پولیس کے سامنے اعتراف کیا ہے کہ اس نے لو کش سے زہریلی اسپرٹ خریدی تھی۔

لوکش یادو نے شراب کی کھیپ غازی آباد، اتر پردیش سے منگوائی تھی، جو گورکھپور کے راستے گوپال گنج کے راستے ترکولیہ پہنچی۔ لوکش نے شراب کنہیا یادو کو پہنچائی، جس نے اسے چھوٹے کاروباروں کو فروخت کیا۔ ایسے میں یہ ممکن ہے کہ شراب تھانہ علاقوں جیسے ڈمریا گھاٹ، سنگرام پور، کیسریا، کوٹوا، اور پپرا کوٹھی میں بیچی گئی ہو اور پولیس ان علاقوں میں اس کی تلاش میں مصروف ہے۔

سپرنٹنڈنٹ آف پولیس سورن پربھات نے تصدیق کی ہے کہ پولیس کی ایک خصوصی ٹیم نے موت کے سوداگر کو گرفتار کر لیا ہے۔ موصولہ اطلاعات کے مطابق لوکش نے غازی آباد کی ایک کمپنی سے زہریلی اسپرٹ خریدی تھی۔ اس کے بعد اس نے اسے شراب معاملے کے ماسٹر مائنڈ کنہیا یادو کو بیچ دیا۔ اس زہریلے اسپرٹ نے تباہی مچا دی، جس سے 11 افراد ہلاک اور متعدد افراد اپنی بینائی سے محروم ہوگئے۔ شراب پینے والے کچھ اس وقت اسپتالوں میں زیر علاج ہیں۔

پولیس سپرنٹنڈنٹ نے بتایا ہے کہ ایس آئی ٹی کی چار ٹیمیں اتر پردیش اور دہلی میں زہریلی اسپرٹ کے خلاف چھاپہ ماری کر رہی ہیں۔ مانا جا رہا ہے کہ پولیس جلد ہی پورے معاملے کو پکڑ لے گی۔ یہاں کنہیا یادو کے ان پٹ پر لوکش کو زہریلی شراب کے ساتھ گرفتار کیا گیا ہے۔

ہندوستھان سماچار

ہندوستان سماچار / Mohammad Afzal Hassan