دھنباد، 07 مارچ (ہ س)۔ ملک کا سب سے زیادہ منافع بخش ریلوے ڈویژن ایسٹ سنٹرل ریلوے کا دھنباد ریلوے ڈویژن، جہاں ڈی آر ایم دفتر پر جمعہ کی شام دھنباد سی بی آئی کی ایک خصوصی ٹیم نے چھاپہ مار کر سینئر ڈویژنل الیکٹریکل انجینئر سنجیو کمار کو 50 ہزار روپے رشوت لیتے ہوئے رنگے ہاتھوں گرفتار کر لیا اور اپنے ساتھ لے گئی ہے۔
سی بی آئی کی یہ کارروائی ریل ٹھیکیدار اوجیت جھا کی شکایت پر کی گئی ہے۔ بتایا جا رہا ہے کہ دھنباد ریلوے میں شکایت کنندہ ٹھیکیدار کے ذریعے الیکٹرک کا سامان لگایا گیا تھا، جس کا بل تقریباً 45 لاکھ روپے بتایا جا رہا ہے، اسی بل کی ادائیگی کے عوض گرفتار انجینئر کے ذریعے رشوت کا مطالبہ کیا جا رہا تھا۔ جس کی شکایت ٹھیکیدار نے سی بی آئی سے کر دی۔
وہیں، شکایت کی تصدیق کے بعد سی بی آئی نے آج انجینئر سنجیو کمار کو ڈرامائی انداز میں 50 ہزار روپے رشوت لیتے ہوئے گرفتار کر لیا۔ اس کے بعد سی بی آئی کی ٹیم دیر رات تک گرفتار انجینئر کے دفتر اور رہائش گاہ کی تلاشی لیتی رہی۔ اس دوران سی بی آئی نے کئی دستاویزات، ڈیجیٹل شواہد اور پرنٹر ضبط کر کے اپنے ساتھ لے گئی ہے۔
اسی دوران، سی بی آئی ٹیم کی قیادت کر رہے ڈی ایس پی وکاس کمار پاٹھک نے محض دو الفاظ میں کہا کہ شکایت کی بنیاد پر ایف آئی آر درج ہوگی۔
ہندوستھان سماچار
---------------
ہندوستان سماچار / انظر حسن
