اسرائیل نے تہران اور بیروت پر تازہ حملے کیے، ایران نے جواب میں میزائلیں داغے

تل ابیب/ تہران، 06 مارچ (ہ س)۔ اسرائیل ڈیفنس فورسز (آئی ڈی ایف) نے مقامی وقت کے مطابق جمعہ کی صبح ایران کے دارالحکومت تہران میں بڑے پیمانے پر نئے حملے کیے۔ اسرائیل نے تہران میں جنگی اڈوں اور اس کے علاوہ لبنان کے دارالحکومت بیروت میں حزب اللہ کے ٹھکانوں پر بمباری کی ہے۔ ایران نے جواب میں میزائلیں داغے ہیں۔

فاکس نیوز چینل اور دی یروشلم پوسٹ اخبار کے مطابق، اسرائیلی فورسز نے تہران میں جنگجووں کے بنیادی ڈھانچے کو نشانہ بنایا۔ ساتھ ہی بیروت کے داحیہ علاقے میں حزب اللہ کے گڑھ پر حملہ کیا۔ حملے کے دوران جنوبی لبنانی سرحد پر سائرن بجائے گئے۔ ایران کے میزائل داغتے ہی اسرائیل میں بھی سائرن بجائے گئے۔

اس دوران حزب اللہ نے ٹیلی گرام میسجنگ ایپ میں لوگوں سے جمعہ کی صبح سرحد کے پاس کے علاقوں کو خالی کرنے کی اپیل کی۔ حزب اللہ نے کہا، ’’لبنان کی آزادی اور شہریوں کے تحفظ کے لیے اسرائیلی حملے کو چیلنج کیا جائے گا۔‘‘

اسرائیل کے حملے سے بھڑکے ایران نے بحرین کے دارالحکومت میں ایک ہوٹل اور دو رہائشی عمارتوں پر حملہ کیا ہے۔ حکام نے بتایا کہ ایرانی فوج نے جمعرات کو بحرین میں ایک ہوٹل اور دو رہائشی عمارتوں پر حملہ کیا۔ بحرین کی وزارت داخلہ نے ایکس پوسٹ میں منامہ میں ایک عمارت پر حملے کی تصدیق کی۔ پوسٹ میں کہا گیا، ’’ایرانی حملے نے منامہ میں ایک ہوٹل اور دو رہائشی عمارتوں کو نشانہ بنایا۔‘‘ وزارت داخلہ نے کہا، ’’کسی کی جان کا نقصان نہیں ہوا۔ سول ڈیفنس نے دو عمارتوں میں سے ایک کے فلیٹ میں لگی آگ بجھا دی ہے۔‘‘

ہندوستھان سماچار

---------------

ہندوستان سماچار / انظر حسن