جموں, 30 مارچ (ہ س)جموں و کشمیر قانون ساز اسمبلی سکریٹریٹ نے پیر کے روز ایوان کی تین مالیاتی کمیٹیوں کے انتخابات کے حوالے سے ایک نوٹیفکیشن جاری کیا ہے، جن میں سے ہر کمیٹی 11 اراکین پر مشتمل ہوگی۔جاری کردہ نوٹیفکیشن کے مطابق، اسمبلی کمیٹیوں کے انتخابات کے لیے ضابطہ نمبر 2(1) کے تحت، جو متناسب نمائندگی اور سنگل ٹرانسفریبل ووٹ کے اصول پر مبنی ہے، اسپیکر عبدالرحیم راتھر نے انتخابی شیڈول کا اعلان کیا۔شیڈول کے مطابق کاغذات نامزدگی جمع کرانے کی آخری تاریخ 4 اپریل 2026 سہ پہر 3 بجے تک مقرر کی گئی ہے، جبکہ نامزدگیوں کی جانچ پڑتال 6 اپریل 2026 سہ پہر 3 بجے تک کی جائے گی۔ امیدواروں کے کاغذات واپس لینے کی آخری تاریخ 8 اپریل 2026 سہ پہر 3 بجے تک مقرر کی گئی ہے۔

نوٹیفکیشن کے مطابق، اگر ضرورت پیش آئی تو پولنگ 13 اپریل 2026 کو سہ پہر 3 بجے تک منعقد کی جائے گی۔اسپیکر عبدالرحیم راتھر نے اسمبلی کے ایڈیشنل سکریٹری بلال اھًد بھٹ کو اس پورے انتخابی عمل کی نگرانی کے لیے ریٹرننگ آفیسر مقرر کیا ہے۔نوٹیفکیشن میں اس بات پر زور دیا گیا ہے کہ انتخابات کے شفاف اور منظم انعقاد کے لیے مقررہ ضوابط اور ٹائم لائن پر سختی سے عمل کیا جائے۔

ہندوستھان سماچار

---------------

ہندوستان سماچار / محمد اصغر