برآمد کیے گئے گرینیڈ سرحد پار غیر قانونی سپلائی چین کا حصہ تھے

چنڈی گڑھ، 18 مارچ (ہ س)۔

کاو¿نٹر انٹیلی جنس (سی آئی) بھٹنڈہ نے دو ممبران کو دو دستی بموں کے ساتھ گرفتار کرکے ایک ممکنہ دہشت گردانہ حملے کو روکنے کا دعویٰ کیا ہے۔

پولیس کے ڈائریکٹر جنرل گورو یادو نے بدھ کو چنڈی گڑھ میں بتایا کہ گرفتار افراد کی شناخت بوٹا سنگھ عرف گرپریت سنگھ عرف گوپو، گیلوالی (فیروز پور) کے رہنے والے اور ہرمندر سنگھ عرف نیکا، موٹھن والی (موگا) کے رہنے والے کے طور پر کی گئی ہے۔ ڈی جی پی یادو نے کہا کہ ابتدائی تحقیقات سے پتہ چلا ہے کہ ضبط کیے گئے گرینیڈ سرحد پار غیر قانونی سپلائی چین کا حصہ تھے جس کا مقصد سرحدی علاقے میں امن و سلامتی کو درہم برہم کرنا تھا۔ ڈی جی پی نے کہا کہ اس ماڈیول میں شامل دیگر ارکان کی شناخت کے لیے مزید تحقیقات جاری ہیں۔

اسسٹنٹ انسپکٹر جنرل آف پولیس (اے آئی جی) سی آئی بھٹنڈہ اونیت کور سدھو نے کہا کہ پولیس ٹیموں کو قابل اعتماد ذرائع سے مصدقہ اطلاع ملی ہے کہ دہشت گرد ماڈیول سے وابستہ دو کارندوں نے ہینڈ گرنیڈ حاصل کیا ہے۔ اس مصدقہ اطلاع پر فوراً کارروائی کرتے ہوئے سی آئی بھٹنڈہ کی پولیس ٹیم نے موگا فیروز پور روڈ سے دونوں مشتبہ افراد کو گرفتار کر کے ان کے قبضے سے دو دستی بم برآمد کر لیے۔ اے آئی جی نے کہا کہ کاو¿نٹر انٹیلی جنس ٹیموں کی الرٹ اور فعال کارروائی کی وجہ سے ایک ناخوشگوار کو ناکام کر دیا گیا ۔

ہندوستھان سماچار

ہندوستان سماچار / عطاءاللہ