نئی دہلی، 18 مارچ (ہ س)۔ آسام اسمبلی انتخابات سے پہلے کانگریس کے رکن پارلیمنٹ پردیوت بوردولوئی نے لوک سبھا سے استعفیٰ دے دیا اور بدھ کو بھارتیہ جنتا پارٹی میں شامل ہو گئے۔ انہوں نے منگل کو کانگریس سے استعفیٰ دے دیا تھا۔ انہوں نے بدھ کو آسام کے وزیر اعلیٰ ہیمنت بسوا سرما اور آسام بی جے پی کے صدر دلیپ سائکیا کی موجودگی میں بھارتیہ جنتا پارٹی میں شمولیت اختیار کی۔ اس موقع پر پردیوت بوردولوئی نے کہا کہ وہ کانگریس میں گھٹن محسوس کر رہے ہیں اور ان کی مسلسل توہین کی جا رہی ہے۔بی جے پی میں شامل ہونے کے بعد پردیوت بوردولوئی نے پارلیمنٹ ہاو¿س میں وزیر داخلہ امت شاہ سے ملاقات کی۔ میڈیا سے بات کرتے ہوئے پردیوت بوردولوئی نے کہا، ’میں آج امت شاہ سے ملا۔ وہ بہت شائستہ اور مددگار ہیں۔‘امت شاہ نے آسام اسمبلی الیکشن لڑنے کا مشورہ دیا۔ بوردولوئی نے کہا کہ وہ اس فیصلے پر غور کریں گے۔ اس دوران آسام کے وزیر اعلیٰ ہیمنت بسوا سرما نے بھی امت شاہ سے ملاقات کی۔ توقع ہے کہ آسام اسمبلی انتخابات کے لیے بی جے پی اپنی پہلی فہرست جاری کرے گی۔

ہیمنت بسوا سرما نے پہلے اعلان کیا تھا کہ پارٹی 126 میں سے 89 اسمبلی سیٹوں پر الیکشن لڑے گی۔ بقیہ 37 میں سے، آسام گنا پریشد (اے جی پی) 26 سیٹوں پر مقابلہ کرے گی، اور بوڈولینڈ پیپلز فرنٹ (بی پی ایف) 11 پر مقابلہ کرے گی۔ آسام میں 9 اپریل کو ایک ہی مرحلے میں ووٹ ڈالے جائیں گے، جس کے نتائج کا اعلان 4 مئی کو ہوگا۔

ہندوستھان سماچار

ہندوستان سماچار / Mohammad Khan