ناگوں (آسام)، یکم مارچ (ہ س)۔
ضلع ناگون کے روپہی ہاٹ میں اتوار کو ایک نجی اسکول میں اچانک آگ لگ گئی جس سے عمارت اور املاک کو کافی نقصان پہنچا۔
یہ واقعہ گیان وکاس ودیا پیٹھ سینئر سیکنڈری اسکول میں پیش آیا۔ عینی شاہدین کے مطابق آگ اچانک بھڑک اٹھی اور کچھ ہی دیر میں پورے کیمپس میں پھیل گئی۔ جب لوگ جائے وقوعہ پر جمع ہوئے تو عمارت کو آگ کے شعلے اپنی لپیٹ میں لیتے نظر آئے۔
اس واقعہ میں کروڑوں کی املاک کے تباہ ہونے کا خدشہ ہے۔ تاہم لوگوں نے الزام لگایا کہ جب آگ بھڑک رہی تھی تو فائر اینڈ ایمرجنسی سروس کے اہلکار اور ایس ڈی آر ایف کی ٹیمیں جائے وقوعہ پر موجود نہیں تھیں۔
آگ لگنے کی وجہ کا ابھی تک پتہ نہیں چل سکا ہے۔ بتایا جاتا ہے کہ عمارت کے راکھ ہونے کے بعد فائر اینڈ ایمرجنسی سروس کی ٹیم جائے وقوعہ پر پہنچی۔ کارروائی میں تاخیر کا الزام لگاتے ہوئے مکینوں نے فائر فائٹرز کے خلاف احتجاج کیا۔ کسی جانی نقصان کی اطلاع نہیں ہے۔ ہندوستھان سماچار
ہندوستان سماچار / عطاءاللہ
