ممبئی ، 23 فروری (ہ س) 23 فروری بجٹ اجلاس کے پہلے دن قانون ساز کونسل میں نائب وزیر اعلیٰ ایکناتھ شندے نے آنجہانی اجیت پوار کے انتقال پر تعزیتی قرارداد پیش کرتے ہوئے کہا کہ ان کی جدائی نے ریاست کو ناقابلِ تلافی نقصان پہنچایا ہے۔ انہوں نے کہا کہ 28 جنوری 2026 کا دن مہاراشٹر کے لیے ایک سیاہ دن تھا جب ترقی کا ایک مضبوط ستون ہم سے جدا ہو گیا۔
شندے نے کہا کہ دیویندر فڑنویس، اجیت پوار اور ان کی مشترکہ قیادت نے ریاست کو استحکام اور ترقی کی نئی سمت دی تھی۔ انہوں نے ٹی وی پر حادثہ کی خبر دیکھنے کا ذکر کرتے ہوئے کہا کہ اس منظر نے انہیں ہلا کر رکھ دیا۔ انہوں نے اجیت پوار کی کارکردگی کو یاد کرتے ہوئے کہا کہ وہ انتظامیہ پر غیر معمولی گرفت رکھتے تھے، فائل کا سرسری جائزہ لے کر فوری خامیاں تلاش کر لیتے تھے اور نظم و ضبط کے معاملے میں کسی قسم کی کوتاہی برداشت نہیں کرتے تھے۔ انہوں نے 11 مرتبہ بجٹ پیش کیا اور 46 ہزار کروڑ روپے کی “لڑکی بہن” اسکیم میں مالی منصوبہ بندی کا بہترین توازن رکھا۔
اس موقع پر سابق وزیر سروپ سنگھ ہریہ نائک، اشوک گجانن مودک، گنگادھر پٹنے اور نیلا دیسائی کو بھی خراجِ عقیدت پیش کیا گیا۔ سنیترہ پوار کو مخاطب کرتے ہوئے شندے نے کہا کہ وہ اس غم میں ان کے ساتھ مضبوطی سے کھڑے ہیں۔ہندوستھان سماچار
--------------------
ہندوستان سماچار / جاوید این اے
