نئی دہلی، 23 فروری (ہ س)۔صرافہ مارکیٹ میں اسپاٹ سلور کی قیمتوں میں معمولی کمی کے باوجود فیوچر مارکیٹ میں چاندی کی قیمتوں میں آج اضافہ کا رجحان دکھائی دے رہا ہے۔ ملٹی کموڈٹی ایکسچینج (ایم سی ایکس) پر صبح 11:30 بجے چاندی 5.82 فیصد اضافے کے ساتھ 267,673 فی کلوگرام پر ٹریڈ کر رہی تھی۔

دریں اثنا، انڈین بلین جیولرز ایسوسی ایشن (آئی بی جے اے) نے آج کے لیے .999 خالص چاندی کی معیاری قیمت 250,314 فی کلوگرام مقرر کی ہے۔آئی بی جے اے معیاری قیمت گزشتہ ہفتے کے آخری تجارتی دن کی قیمت سے 2.26 فیصد زیادہ ہے۔ مقامی مارکیٹ کی طرح آج بین الاقوامی مارکیٹ میں کامیکس پر چاندی کی اسپاٹ قیمت 86.90 ڈالر فی اونس پر ٹریڈ کر رہی تھی۔ نتیجتاً آج بین الاقوامی مارکیٹ میں چاندی کی قیمت میں بھی تقریباً 5.65 فیصد اضافہ ہوا۔

مارکیٹ ماہرین کا کہنا ہے کہ مضبوط نان فارم پے رول ڈیٹا اور امریکہ میں مستحکم اقتصادی ترقی نے امریکی فیڈرل ریزرو کی جانب سے فوری شرح سود میں کمی کے امکانات کو کم کر دیا ہے۔ اس کی وجہ سے امریکی ڈالر کی مضبوطی ہوئی ہے اور سونے، چاندی، پلاٹینم اور تانبے جیسی قیمتی دھاتوں کی قیمتوں میں اتار چڑھاو¿ بڑھ گیا ہے۔ بین الاقوامی مارکیٹ میں فعال سرمایہ کار فی الحال فیڈرل ریزرو میٹنگ کے منٹس کی نگرانی کر رہے ہیں، جو شرح سود کی سمت کے بارے میں واضح اشارے فراہم کر سکتے ہیں۔ ماہرین کا کہنا ہے کہ بین الاقوامی مارکیٹ میں سونے اور چاندی کی قیمتوں میں اتار چڑھاو¿ کی سمت کا تعین امریکی فیڈرل ریزرو کی جانب سے مقرر کردہ شرح سود سے ہوگا۔

ہندوستھان سماچار

ہندوستان سماچار / عطاءاللہ