نئی دہلی، 7 جنوری (ہ س)۔

دہلی ہائی کورٹ کے جسٹس جے کے مہیشوری کی قیادت والی بنچ نے گلوکارہ نیہا سنگھ راٹھور کی گرفتاری پر عبوری روک لگا دی ہے۔ عدالت نے انہیں 19 جنوری کو تفتیشی افسر کے سامنے پیش ہونے کی ہدایت کی۔ اس کے بعد جب بھی تفتیشی افسر انہیں طلب کرے گا وہ پوچھ گچھ کے لیے حاضر ہو ںگی۔ عدالت نے کہا کہ جرح کے لیے حاضر نہ ہونے کو سنگین تصور کیا جائے گا۔

سماعت کے دوران اتر پردیش حکومت نے کہا کہ نیہا سنگھ راٹھور تحقیقات میں تعاون نہیں کر رہی ہیں۔ اس پر نیہا سنگھ راٹھور نے اعتراض کیا، اورکہا کہ وہ 3 جنوری کو تفتیشی افسر کے سامنے پیش ہوئی تھیں۔

درحقیقت نیہا سنگھ راٹھور نے پہلگام دہشت گردانہ حملے کے بارے میں سوشل میڈیا پر پوسٹ کیا تھا۔ اس کے بعد اتر پردیش میں نیہا سنگھ راٹھور کے خلاف ایف آئی آر درج کی گئی تھی، جس میں الزام لگایا گیا تھا کہ انھوں نے اپنے پوسٹ میں وزیر اعظم اور وزیر داخلہ کے خلاف توہین آمیز الفاظ استعمال کیے تھے۔ ایف آئی آر نیہا سنگھ راٹھور کے خلاف تعزیرات ہند کی دفعہ 196، 197، 152، 353 اور آئی ٹی ایکٹ کی دفعہ 69 اے کے تحت درج کی گئی تھی۔ نیہا سنگھ راٹھور نے ایف آئی آر کو منسوخ کرنے کا مطالبہ کیا۔

ہندوستھان سماچار

ہندوستان سماچار / عطاءاللہ