نئی دہلی، 07 جنوری (ہ س)۔ وزیر اعظم نریندر مودی نے بدھ کو ہندوستانی کوسٹ گارڈ جہاز’ 'آئی سی جی ایس سمندر پرتاپ‘ کو بحریہ کے بیڑے میں شامل کرنے کی ستائش کی اور اسے ملک کی سمندری سلامتی اور خود انحصار دفاعی صلاحیت کی طرف ایک بڑا قدم قرار دیا۔

انہوں نے کہا کہ اس جدید ترین جہاز کی شمولیت سے ہندوستان کی ساحلی نگرانی اور سمندری مفادات کے تحفظ کو مزید تقویت ملے گی۔ یہ جہاز دفاعی شعبے میں آتم نربھر کے وژن کو مضبوط کرے گا اور ملک کے سیکورٹی نظام کو نیا استحکام دے گا۔

وزیر دفاع راجناتھ سنگھ کے ایکس پر پوسٹ کا جواب دیتے ہوئے وزیر اعظم نے لکھا، ’’آئی سی جی ایس سمندر پرتاپ کئی وجوہات سے خاص ہے۔ یہ جہاز نہ صرف سیکورٹی ایکو نظام کو مضبوط کرے گا، بلکہ اس میں استعمال ہونے والی نئی ٹیکنالوجی کو ماحول کو مدنظر رکھتے ہوئے تیار کی گئی ہے، جو پائیدار اور ماحول دوست آپریشنز کو فروغ دیتی ہے۔‘‘

وزیر اعظم نے کہا،’’اس جہازکی بیڑے میں شمولیت ہندوستان کے سمندری سفر میں ایک اہم سنگ میل ہے۔ یہ ظاہر کرتا ہے کہ ملک اب دفاع اور سمندری سلامتی کے لیے صرف دوسروں پر انحصار نہیں کرتا ہے، بلکہ اپنی طاقت میں اضافہ کر رہا ہے۔ یہ خود انحصاری کے ہمارے وژن کو تقویت دیتا ہے، ہمارے حفاظتی آلات کو بڑھاتا ہے اور ایک مستحکم مستقبل کے لیے ہمارے عزم کو ظاہر کرتا ہے۔‘‘

ہندوستھان سماچار

ہندوستان سماچار / محمد شہزاد