نئی دہلی، 7 جنوری (ہ س)۔

الیکشن کمیشن یہاں بھارت منڈپم میں 21 سے 23 جنوری تک انڈیا انٹرنیشنل کانفرنس آن ڈیموکریسی اینڈ الیکشن مینجمنٹ (آئی آئی آئی سی ڈی ای ایم 2026) کا انعقاد کر رہا ہے۔ تین روزہ کانفرنس کا مقصد عالمی سطح پر جمہوریت اور انتخابی انتظام سے متعلق چیلنجوں، اختراعات اور بہترین طریقوں پر بامعنی مکالمے کو فروغ دینا ہے۔

اس کا اہتمام انڈیا انٹرنیشنل انسٹی ٹیوٹ آف ڈیموکریسی اینڈ الیکشن مینجمنٹ (آئی آئی آئی سی ڈی ای ایم) اور بین الاقوامی آئی ڈی ای اے کے اشتراک سے کیا جا رہا ہے۔ دوارکا کے انسٹی ٹیوٹ میں آج ایک پریس کانفرنس کا انعقاد کیا گیا۔ کانفرنس سے انسٹی ٹیوٹ کے ڈائریکٹر جنرل راکیش ورما نے خطاب کیا۔

اس موقع پر آئی آئی آئی سی ڈی ای ایم-2026 لوگو لانچ کیا گیا۔ ورما نے وضاحت کی کہ یہ جمہوریت، شرکت، ادارہ جاتی سالمیت اور بین الاقوامی تعاون کی اقدار کی عکاسی کرتا ہے۔ مجموعی طور پر، لوگو ایک واضح پیغام دیتاہے کہ جمہوریت عوام سے چلنے والی، ادارہ جاتی حمایت یافتہ، اور عالمی سطح پر جڑی ہوئی ہے، جس میں ہندوستان مرکزی اور ذمہ دارانہ کردار ادا کرتا ہے۔

قابل ذکر ہے کہ ہندوستان نے سال 2026 کے لیے بین الاقوامی آئیڈیا کی صدارت بھی سنبھال لی ہے۔ اس کے تحت یہ کانفرنس عالمی جمہوری گفتگو کے لیے ایک اہم پلیٹ فارم کے طور پر ابھرے گی۔ کانفرنس کا مقصد مختلف ممالک کے انتخابی انتظامی اداروں کے درمیان بین الاقوامی تعاون کو مضبوط بنانا، مشترکہ عالمی چیلنجز پر ایک اجتماعی نقطہ نظر تیار کرنا، بہترین طریقوں اور اختراعات کا تبادلہ کرنا، اور مشترکہ حل تیار کرنا ہے۔

ورما نے کہا کہ کانفرنس کا مرکزی موضوع جمہوریت برائے جامع، پرامن، مضبوط، اور پائیدار دنیا ہے۔ دو اہم موضوعاتی ستونوں کی نشاندہی کی گئی ہے: مستقبل کے لیے جمہوریت کا از سر نو تصور کرنا اور پائیدار جمہوریت کے لیے پیشہ ورانہ اور آزاد انتخابی انتظامی اداروں کی ضرورت۔

کانفرنس میں عمومی اور مکمل سیشنز کے ساتھ ساتھ کئی موضوعاتی سیشنز بھی ہوں گے۔ ان میں افتتاحی اجلاس، ای ایم بی رہنماو¿ں کی مکمل میٹنگ، ای ایم بی ورکنگ گروپ میٹنگ، اورای سی آئی این ای ٹی کا آغاز شامل ہے۔ اس کے علاوہ، عالمی موضوعات پر سات سیشن، بین الاقوامی انتخابی معیارات پر 11 ماڈل سیشن، اور انتخابی عمل میں 25 بہترین طریقوں اور اختراعات پر توجہ مرکوز کرنے والے سیشن۔

آئی آئی آئی سی ڈی ای ایم 2026 میں دنیا بھر سے انتخابی انتظامی اداروں کے سربراہان اور اعلیٰ حکام، بین الاقوامی تنظیموں کے نمائندے، تجربہ کار انتخابی ماہرین، اورآئی آئی ٹیز، آئی آئی ایمز، این ایل یو اورآئی آئی ایم سی سمیت ممتاز اداروں کے ماہرین تعلیم شرکت کریں گے۔ اس کانفرنس میں 42 انتخابی انتظامی اداروں کے 90 سے زائد بین الاقوامی مندوبین کو راغب کرنے کی توقع ہے، جبکہ 36 موضوعاتی گروپس اور 20 قومی اور بین الاقوامی تعلیمی ماہرین کی شرکت ایک وسیع اور بااثر عالمی پلیٹ فارم فراہم کرے گی۔

ہندوستھان سماچار

ہندوستان سماچار / عطاءاللہ