نئی دہلی، 5 جنوری (ہ س)۔

دہلی کے لکشمی نگر علاقے سے دل دہلا دینے والا واقعہ سامنے آیا ہے۔ شام 5 بجے کے قریب پیر کو ایک نوجوان تھانے پہنچا اور پولیس کو بتایا کہ اس نے مالی تنگی کی وجہ سے اپنے خاندان کے تین افراد کو قتل کیا ہے۔ اس اطلاع نے محکمہ پولیس میں ہلچل مچا دی۔ نوجوان کی شناخت یشویر سنگھ (25) کے طور پر کی گئی ہے جو لکشمی نگر کے منگل بازار علاقہ کا رہنے والا ہے۔

پوچھ گچھ کے دوران یشویر سنگھ نے پولیس کو بتایا کہ اس نے اپنی ماں کویتا (46) بہن، میگھنا (24) اور چھوٹے بھائی مکل (14) کا قتل کیا ہے۔ اطلاع ملتے ہی لکشمی نگر پولیس فوراً فراہم کردہ پتے پر پہنچ گئی۔ تفتیش کے دوران تینوں کی لاشیں گھر کے اندر سے برآمد ہوئیں۔ لاشوں کی حالت کی بنیاد پر معاملہ پہلی نظر میں سنگین معلوم ہوتا ہے۔ پولیس نے جائے وقوعہ کو محفوظ کرلیا ہے اور فرانزک ٹیم کو مطلع کردیا گیا ہے۔ تمام حقائق اور حالات کی مکمل چھان بین جاری ہے۔ قتل کا مقصد، وقت اور طریقہ ابھی تک واضح نہیں ہے۔ پولیس فی الحال ملزم نوجوان سے پوچھ گچھ کر رہی ہے اور معاملے کے ہر پہلو سے تفتیش کر رہی ہے۔

ہندوستان سماچار / عطاءاللہ