بھوپال، 04 جنوری (ہ س)۔ مدھیہ پردیش میں سرد ہواوں کے ساتھ کوہرے نے زندگی کو جکڑ لیا ہے۔ دارالحکومت بھوپال میں مسلسل دوسرے دن اتوار کو گھنا کوہرا چھایا رہا، جس سے سڑک اور ریل ٹریفک بری طرح متاثر ہوا۔ ویزیبلٹی بے حد کم ہونے کے سبب ٹرینوں کی رفتار تھم گئی۔ بادل اور کوہرے کے اثر سے دن کے درجہ حرارت میں گراوٹ درج کی گئی ہے۔ محکمہ موسمیات نے ریاست میں کوہرے کے ساتھ شیت لہر کا الرٹ جاری کیا ہے۔ حالات ایسے ہیں کہ 11 شہروں میں دن کا درجہ حرارت 20 ڈگری سیلسیس سے نیچے رہا۔ یہی موسم اگلے 2 سے 3 دن تک بنے رہنے کا امکان ہے۔

کوہرے کی وجہ سے دہلی کی طرف سے بھوپال، اندور اور اجین آنے والی مالوا، سچکھنڈ، شتابدی ایکسپریس سمیت ایک درجن سے زیادہ ٹرینیں روزانہ 30 منٹ سے لے کر 6 گھنٹے تک تاخیر سے چل رہی ہیں۔ اتوار کو بھی یہی صورتحال رہی۔ آج اتوار کو بھوپال، اندور، گوالیار، جبل پور، شیوپور، مرینا، بھنڈ، دتیا، شیوپوری، گنا، اشوک نگر، راج گڑھ، ودیشہ، رائسین، ساگر، دموہ، ٹیکم گڑھ، نیواڑی، چھترپور، پنا، ستنا، ریوا، مئوگنج، سیدھی، سنگرولی، شہڈول، امریا، کٹنی، میہر اور شاجا پور سمیت کئی اضلاع میں کوہرے کا وسیع اثر دیکھا گیا۔

سینئر ماہر موسمیات ایچ ایس پانڈے کے مطابق، شمالی ہندوستان کے زیادہ تر حصوں راجستھان، ہریانہ، پنجاب، دہلی، اتر پردیش اور بہار میں کوہرا چھایا ہوا ہے۔ مغربی ڈسٹربنس کے گزرنے کے بعد فضا میں نمی بنی ہوئی ہے۔ اگلے ایک دو دن تک کوہرا رہے گا، حالانکہ اس کی مدت ہر دن ایک جیسی نہیں ہوگی۔

5 جنوری کو گوالیار، شیوپور، مرینا، بھنڈ، دتیا، شیوپوری، نیواڑی، ٹیکم گڑھ، چھترپور، پنا، ستنا، میہر، ریوا، مئوگنج، سیدھی اور سنگرولی اور 6 جنوری کو شیوپوری، شیوپور، گوالیار، مرینا، بھنڈ، دتیا، نیواڑی، ٹیکم گڑھ، چھترپور، پنا، ستنا، ریوا، مئوگنج، سیدھی اور سنگرولی میں گھنا کوہرا چھائے رہنے کا اندازہ ہے۔

بالاگھاٹ ضلع میں صبح تالاب اور ندی کنارے گھنا کوہرا چھایا رہا۔ شہر میں ویزیبلٹی 200 میٹر سے کم رہی، گاڑی چلانے والوں کو لائٹ جلانی پڑی۔ راج گڑھ میں سیزن کا اب تک کا سب سے گھنا کوہرا۔ کئی جگہ 50 میٹر دور بھی صاف نظر نہیں آیا۔ دارالحکومت بھوپال میں ویزیبلٹی 200 میٹر سے کم، سرد ہواؤں سے ٹھٹھرن بڑھی۔ سیہور ضلع میں ویزیبلٹی گھٹ کر 15 میٹر؛ ریلوے اوور برج تک صاف نظر نہیں آیا۔ گنا ضلع میں ہفتہ کی راحت کے بعد اتوار کو پھر تیز ٹھنڈ، ویزیبلٹی 100 میٹر، مارننگ واک کرنے والوں کی تعداد گھٹی۔ دموہ میں شیت لہر سے کڑاکے کی ٹھنڈ؛ کم از کم درجہ حرارت 11.6 ڈگری، صبح سڑکوں پر آمدورفت کم۔

محکمہ موسمیات کے مطابق رات کے درجہ حرارت میں کچھ اضافہ ہوا ہے، لیکن شیت لہر کے سبب دن کا درجہ حرارت 20 ڈگری سے نیچے چلا گیا۔ ہفتہ کو بڑے شہروں میں زیادہ سے زیادہ درجہ حرارت کی بات کریں تو بھوپال میں 20.2 ڈگری، اندور میں 21.9 ڈگری، گوالیار میں 18.6 ڈگری، اجین میں 20.8 ڈگری اور جبل پور میں 17.2 ڈگری درج کیا گیا۔ سب سے ٹھنڈا دتیا رہا، جہاں زیادہ سے زیادہ 16.6 ڈگری درج ہوا۔ ریوا میں 17 ڈگری، نوگاوں میں 17.3 ڈگری، سیدھی میں 17.6 ڈگری، امریا میں 18 ڈگری، دموہ میں 19 ڈگری، ستنا میں 19.2 ڈگری، کھجوراہو میں 19.4 ڈگری، شیوپور میں 19.6 ڈگری، ٹیکم گڑھ میں 20 ڈگری، رتلام میں 20.2 ڈگری، پچمکڑھی میں 20.8 ڈگری اور دھار میں 21.3 ڈگری رہا۔

رات کے کم از کم درجہ حرارت میں بھی تبدیلی درج ہوئی۔ گوالیار میں 7.7 ڈگری، بھوپال میں 11 ڈگری، اندور میں 12.6 ڈگری، اجین میں 13.3 ڈگری اور جبل پور میں 12.5 ڈگری۔ سب سے ٹھنڈا پچمڑھی رہا، جہاں کم از کم درجہ حرارت 5.6 ڈگری درج کیا گیا۔ شیوپوری میں 6 ڈگری، دتیا میں 6.6 ڈگری، راج گڑھ میں 8.2 ڈگری، منڈلا میں 8.9 ڈگری اور رتلام میں 9.8 ڈگری رہا، جبکہ دیگر شہروں میں کم از کم 10 ڈگری سے اوپر پہنچ گیا۔

ماہرین موسمیات کا کہنا ہے کہ دسمبر میں ریاست میں کہیں بارش نہیں ہوئی اور موسم صاف رہا۔ بھوپال-اندور سمیت کئی اضلاع میں 16-15 دن تک شیت لہر چلی۔ جنوری میں بھی ایسا ہی رخ رہنے کا امکان ہے۔ اندازہ ہے کہ جنوری میں 15 سے 20 دن شیت لہر چل سکتی ہے اور کڑاکے کی ٹھنڈ کا دور دوسرے ہفتے سے شروع ہو کر مہینے کے آخر تک بنا رہ سکتا ہے۔

ہندوستھان سماچار

---------------

ہندوستان سماچار / انظر حسن