نئی دہلی، 21 جنوری (ہ س)۔ گھریلو صرافہ بازار میں آئے روز نئے ریکارڈ قائم ہونے کا سلسلہ جاری ہے۔ صرافہ بازار میں بھی آج مضبوط تیزی کا رجحان دکھائی دے رہا ہے۔ سونا آج ابتدائی کاروبار میں 3,250 روپے فی 10 گرام سے لے کر 3,520 روپے فی 10 گرام مہنگا ہو گیا ہے۔ اسی طرح چاندی کی قیمت میں بھی آج 15000 روپے فی کلو گرام کا بڑا اضافہ دیکھا گیا ہے۔ قیمتوں میں اضافے کی وجہ سے آج سونا اور چاندی ایک بار پھر نئی بلندی پر پہنچ کر کاروبار کر رہے ہیں۔

صرافہ بازار میں تیزی کے رجحان کی وجہ سے، 24 کیرٹ سونا آج ملک بھر کی بیشتر صرافہ بازاروں میں 1,49,770 روپے سے لے کر 1,49,920 روپے فی 10 گرام کی سطح پر کاروبار کر رہا ہے۔ اسی طرح 22 کیرٹ سونا آج 1,37,310 روپے سے لے کر1,37,460 روپے فی 10 گرام کی سطح کے درمیان فروخت ہو رہا ہے۔ اسی طرح چاندی کی قیمت میں اضافے کی وجہ سے یہ چمکدار دھات آج دہلی کے صرافہ بازار میں 3,20,100 روپے فی کلو گرام کی سطح پر فروخت ہو رہی ہے۔

دہلی میں آج 24 کیرٹ سونا 1,49,920 روپے فی 10 گرام پر ٹریڈ کر رہا ہے، جب کہ 22 کیرٹ سونے کی قیمت 1,37,460 روپے فی 10 گرام ریکارڈ کی گئی ہے۔ وہیں ملک کی مالیاتی راجدھانی ممبئی میں 24 کیرٹ سونا 1,49,770 روپے فی 10 گرام اور 22 کیرٹ سونا 1,37,310 روپے فی 10 گرام میں فروخت ہو رہا ہے۔ اسی طرح احمد آباد میں 24 کیرٹ سونے کی خوردہ قیمت 1,49,820 روپے فی 10 گرام اور 22 کیرٹ سونے کی قیمت 1,37,360 روپے فی 10 گرام ریکارڈ کی گئی ہے۔

ان بڑے شہروں کے علاوہ آج چنئی میں 24 کیرٹ سونا 1,49,770 روپے فی 10 گرام اور 22 کیرٹ سونا 1,37,310 روپے فی 10 گرام کی قیمت پر فروخت ہو رہا ہے۔ اسی طرح کولکاتا میں 24 کیرٹ سونا 1,49,770 روپے فی 10 گرام اور 22 کیرٹ سونا 1,37,310 روپے فی 10 گرام پر کاروبار کر رہا ہے۔ بھوپال میں 24 کیرٹ سونے کی قیمت 1,49,820 روپے فی 10 گرام ہے، جب کہ 22 کیرٹ سونا 1,37,360 روپے فی 10 گرام پر فروخت ہو رہا ہے۔

لکھنو¿ کے صرافہ بازار میں آج 24 کیرٹ سونا 1,49,920 روپے فی 10 گرام اور 22 کیرٹ سونا 1,37,460 روپے فی 10 گرام پر فروخت ہو رہا ہے۔ پٹنہ میں 24 کیرٹ سونے کی قیمت 1,49,820 روپے فی 10 گرام ہے، جب کہ 22 کیرٹ سونا 1,37,360 روپے فی 10 گرام میں فروخت ہو رہا ہے۔ جے پور میں 24 کیرٹ سونا 1,49,920 روپے فی 10 گرام اور 22 کیرٹ سونا 1,37,460 روپے فی 10 گرام میں فروخت ہو رہا ہے۔

ملک بھر کی دیگر ریاستوں کی طرح کرناٹک، تلنگانہ اور اڈیشہ کے صرافہ بازاروں میں آج سونے کی قیمتوں میں تیزی سے اضافہ ہوا ہے۔ ریاستی دارالحکومتوں بنگلورو، حیدرآباد اور بھونیشور میں 24 کیرٹ سونا 149,770 روپے فی 10 گرام پر تجارت کر رہا ہے۔ اسی طرح، 22 کیرٹ سونا ان تین شہروں کے صرافہ بازاروں میں 137,310 روپے فی 10 گرام پر فروخت ہو رہا ہے۔

ہندوستھان سماچار

ہندوستان سماچار / محمد شہزاد