نئی دہلی، 21 جنوری (ہ س)۔

صنعتی شعبے کے لیے برقی مصنوعات بنانے والی کمپنی انڈو ایس ایم سی کے شیئرز نے آج اسٹاک مارکیٹ میں فلیٹ انٹری کے ساتھ اپنے آئی پی او سرمایہ کاروں کو مایوس کیا۔ کمپنی کے حصص آئی پی او کے تحت 149 کی قیمت پر جاری کیے گئے تھے۔ آج،شیئرزبی ایس ای کے ایس ایم ای پلیٹ فارم پر درج ہوئے، بغیر کسی اتار چڑھاو¿ کے 149 پر باقی رہے۔ لسٹنگ کے بعد، فروخت کے دباو¿ کی وجہ سے شیئرز 141.55 کے نچلے سرکٹ کی سطح پر گر گئے۔ تاہم، کچھ ہی دیر بعد دوبارہ خریداری شروع ہوگئی اور کمپنی کے شیئرز لوئر سرکٹ کو توڑنے میں کامیاب ہوگئے۔ صبح 11 بجے تک، انڈو ایس ایم سی کے شیئرز 149.35 پر ٹریڈ کر رہے تھے۔انڈو ایس ایم سی کا 91.95 کروڑ کاآئی پی او 13 اور 16 جنوری کے درمیان سبسکرپشن کے لیے کھلا تھا۔ آئی پی او کو سرمایہ کاروں کی جانب سے زبردست جواب ملا، جس کے نتیجے میں مجموعی طور پر 110.49 گنا سبسکرپشن ہوا۔ ان میں سے، کوالیفائیڈ انسٹیٹیوشنل بائرز (کیو آئی بی ) کے لیے مختص حصہ 94.94 بار سبسکرائب کیا گیا۔ غیر ادارہ جاتی سرمایہ کاروں (این آئی آئی ) کے لیے مختص حصہ 164.59 بار سبسکرائب کیا گیا۔ اسی طرح خوردہ سرمایہ کاروں کے لیے مختص حصہ 96.13 گنا سبسکرائب کیا گیا۔ اس آئی پی او کے تحت، 61.71 لاکھ نئے شیئرزجاری کیے گئے جن کی قیمت 10 روپے ہر ایک ہے۔ کمپنی آئی پی او کے ذریعے جمع ہونے والے فنڈز کو اپنے پلانٹ کو بڑھانے، مشینری کی خریداری، ورکنگ کیپیٹل کی ضروریات کو پورا کرنے اور عام کارپوریٹ مقاصد کے لیے استعمال کرے گی۔

ہندوستھان سماچار

ہندوستان سماچار / عطاءاللہ