شروعاتی کاروبار میں شیئر بازار پر فروخت کا دباو، سینسیکس اور نفٹی میں گراوٹ

نئی دہلی، 21 جنوری (ہ س)۔

کمزور گلوبل اشاروں اور عالمی دباو کے سبب گھریلو شیئر مارکیٹ میں آج ابتدائی کاروبار کے دوران گراوٹ کا رجحان برقرار ہے۔ آج کے کاروبار کی شروعات بھی کمزوری کے ساتھ ہوئی تھی۔ حالانکہ مارکیٹ کھلتے ہی خریداری کی حمایت سے سینسیکس اور نفٹی دونوں انڈیکس اچھل کر سبز نشان میں پہنچنے میں کامیاب رہے، لیکن تھوڑی ہی دیر بعد فروخت کا دباو بن جانے کے سبب دونوں انڈیکس نے دوبارہ سرخ نشان میں غوطہ لگا دیا۔ پہلے 1 گھنٹے کا کاروبار ہونے کے بعد سینسیکس 0.38 فیصد اور نفٹی 0.25 فیصد کی کمزوری کے ساتھ کاروبار کر رہے تھے۔

ابتدائی 1 گھنٹے کا کاروبار ہونے کے بعد شیئر مارکیٹ کے سرکردہ شیئروں میں سے ایٹرنل، ہنڈالکو انڈسٹریز، انٹر گلوب ایوی ایشن، جے ایس ڈبلیو اسٹیل اور ایچ ڈی ایف سی لائف کے شیئر 1.17 فیصد سے لے کر 0.68 فیصد کی مضبوطی کے ساتھ کاروبار کر رہے تھے۔ دوسری جانب، بھارت الیکٹرانکس، آئی سی آئی سی آئی بینک، ٹرینٹ لمیٹڈ، انفوسس اور اپولو ہاسپٹل کے شیئر 1.72 فیصد سے لے کر 0.86 فیصد کی کمزوری کے ساتھ کاروبار کرتے ہوئے نظر آ رہے تھے۔

ابھی تک کے کاروبار میں شیئر مارکیٹ میں 2,693 شیئروں میں ایکٹیو ٹریڈنگ ہو رہی تھی۔ ان میں سے 1,009 شیئر منافع کما کر سبز نشان میں کاروبار کر رہے تھے، جبکہ 1,684 شیئر نقصان اٹھا کر سرخ نشان میں کاروبار کر رہے تھے۔ اسی طرح سینسیکس میں شامل 30 شیئروں میں سے 12 شیئر خریداری کی حمایت سے سبز نشان میں برقرار تھے۔ دوسری جانب 18 شیئر فروخت کے دباو میں سرخ نشان میں کاروبار کر رہے تھے۔ جبکہ نفٹی میں شامل 50 شیئروں میں سے 22 شیئر سبز نشان میں اور 28 شیئر سرخ نشان میں کاروبار کرتے نظر آ رہے تھے۔

بی ایس ای کا سینسیکس آج 385.82 پوائنٹس کی کمزوری کے ساتھ 81,794.65 پوائنٹس کی سطح پر کھلا۔ کاروبار کی شروعات ہوتے ہی خریداری کی حمایت سے پہلے 5 منٹ میں ہی یہ انڈیکس اوپننگ لیول سے 480 پوائنٹس سے زیادہ اچھل کر 82,282.25 پوائنٹس کی سطح تک پہنچ گیا۔ اس کے بعد مارکیٹ میں فروخت کا دباو بن گیا، جس کی وجہ سے اس انڈیکس نے دوبارہ سرخ نشان میں غوطہ لگا دیا۔ مسلسل ہو رہی فروخت کے دوران خریداروں نے کئی بار خریداری کا زور بنا کر مارکیٹ کو سہارا دینے کی کوشش کی، لیکن اس انڈیکس کی حالت میں زیادہ سدھار نہیں ہو سکا۔ مارکیٹ میں مسلسل جاری خرید و فروخت کے درمیان پہلے 1 گھنٹے کا کاروبار ہونے کے بعد صبح 10.15 بجے سینسیکس 309.93 پوائنٹس گر کر 81,870.54 پوائنٹس کی سطح پر کاروبار کر رہا تھا۔

سینسیکس کی طرح ہی این ایس ای کے نفٹی نے آج 91.50 پوائنٹس ٹوٹ کر 25,141 پوائنٹس کی سطح سے کاروبار کی شروعات کی۔ مارکیٹ کھلتے ہی پہلے 5 منٹ میں ہی خریداری کی حمایت سے یہ انڈیکس اوپننگ لیول سے 135 پوائنٹس سے زیادہ اچھل کر سبز نشان میں 25,277.75 پوائنٹس کی سطح پر پہنچ گیا۔ اس کے بعد مارکیٹ میں فروخت شروع ہو گئی، جس کی وجہ سے نفٹی بھی سرخ نشان میں گر گیا۔ پہلے آدھے گھنٹے کے کاروبار میں خریداروں نے کئی بار مارکیٹ کو سہارا دینے کے لیے خریداری کی چال بھی بنائی، لیکن ان کی یہ کوشش کامیاب نہیں ہو سکی۔ مارکیٹ میں مسلسل جاری خرید و فروخت کے درمیان ابتدائی 1 گھنٹے کا کاروبار ہونے کے بعد نفٹی 62.85 پوائنٹس کی گراوٹ کے ساتھ 25,169.65 پوائنٹس کی سطح پر کاروبار کر رہا تھا۔

ہندوستھان سماچار

---------------

ہندوستان سماچار / انظر حسن