نئی دہلی، 20 جنوری (ہ س)۔

گھریلو صرافہ مارکیٹ میں آج مضبوط اضافہ کا رجحان دیکھا جا رہا ہے۔ سونا 2,270 روپے فی 10 گرام سے بڑھ کر 2,480 روپے فی 10 گرام پر پہنچ گیا ہے۔ اسی طرح چاندی کی قیمت میں بھی 10,200 روپے فی کلو گرام کی نمایاں چھلانگ دیکھی گئی ہے۔ قیمتوں میں اس اضافے کی وجہ سے، سونے اور چاندی نے ایک بار پھر نئی ہمہ وقتی بلندیاں قائم کی ہیں۔

صرافہ مارکیٹ میں تیزی کے رجحان کی وجہ سے ملک کی بیشتر صرافہ مارکیٹوں میں 24 کیریٹ سونا آج 1,46,250 روپے سے 1,46,400 روپے فی 10 گرام کی سطح پر ٹریڈ کر رہا ہے۔ اسی طرح 22 کیریٹ سونا آج 1,34,060 روپے سے 1,34,210 روپے فی 10 گرام کے درمیان فروخت ہو رہا ہے۔ دوسری طرف، چاندی کی قیمت میں اضافے کی وجہ سے، یہ چمکدار دھات 3 لاکھ روپے کی سطح کو عبور کر گئی اور آج دہلی صرافہ مارکیٹ میں 3,05,100 روپے فی کلو گرام کی سطح پر فروخت ہو رہی ہے۔

دہلی میں آج 24 کیرٹ سونا 1,46,400 روپے فی 10 گرام پر ٹریڈ کر رہا ہے، جب کہ 22 کیرٹ سونے کی قیمت 1,34,210 روپے فی 10 گرام ریکارڈ کی گئی ہے۔ وہیں ملک کی مالیاتی راجدھانی ممبئی میں 24 کیریٹ سونا 1,46,250 روپے فی 10 گرام اور 22 کیریٹ سونا 1,34,060 روپے فی 10 گرام میں فروخت ہو رہا ہے۔ اسی طرح احمد آباد میں 24 کیریٹ سونے کی خوردہ قیمت 1,46,300 روپے فی 10 گرام اور 22 کیرٹ سونے کی قیمت 1,34,110 روپے فی 10 گرام ریکارڈ کی گئی ہے۔ ان بڑے شہروں کے علاوہ آج چنئی میں 24کیریٹ سونا 1,46,250 روپے فی 10 گرام اور 22 کیریٹ سونا 1,34,060 روپے فی 10 گرام میں فروخت ہو رہا ہے۔ اسی طرح کولکاتا میں 24 کیرٹ سونا 1,46,250 روپے فی 10 گرام اور 22 کیرٹ سونا 1,34,060 روپے فی 10 گرام پر ٹریڈ کر رہا ہے۔ بھوپال میں 24 کیریٹ سونے کی قیمت 1,46,300 روپے فی 10 گرام ہے، جب کہ 22 کیرٹ سونا 1,34,110 روپے فی 10 گرام پر فروخت ہو رہا ہے۔

لکھنو¿ کے صرافہ مارکیٹ میں آج 24 کیرٹ سونا 1,46,400 روپے فی 10 گرام اور 22 کیرٹ سونا 1,34,210 روپے فی 10 گرام کی سطح پر فروخت ہو رہا ہے۔ پٹنہ میں 24 کیریٹ سونے کی قیمت 1,46,300 روپے فی 10 گرام کی سطح پر ہے، جب کہ 22 کیرٹ سونا 1,34,110 روپے فی 10 گرام کی سطح پر فروخت ہو رہا ہے۔ جے پور میں 24 کیرٹ سونا 1,46,400 روپے فی 10 گرام اور 22 کیرٹ سونا 1,34,210 روپے فی 10 گرام کی سطح پر فروخت ہو رہا ہے۔ ملک کی دیگر ریاستوں کی طرح آج کرناٹک، تلنگانہ اور اڈیشہ کے صرافہ بازاروں میں بھی سونے کی قیمتوں میں تیزی دیکھی گئی۔ ان تین ریاستوں کے دارالحکومتوں، بنگلورو، حیدرآباد، اور بھونیشور میں، 24 کیریٹ سونا 1,46,250 روپے فی 10 گرام پر تجارت کر رہا ہے۔ اسی طرح ان تینوں شہروں کی بلین مارکیٹوں میں 22 کیرٹ سونا 1,34,060 روپے فی 10 گرام پر فروخت ہو رہا ہے۔

ہندوستھان سماچار

ہندوستان سماچار / Mohammad Khan