چنئی، 2 جنوری (ہ س)۔ نائب صدر سی پی رادھا کرشنن جمعہ سے تمل ناڈو کے دو روزہ دورے پر ہیں۔ تمل ناڈو حکومت کی جانب سے چنئی کے ہوائی اڈے پر نائب وزیر اعلیٰ ادے نیدھی اسٹالن نے انہیں گلدستہ اور ایک کتاب پیش کرکے ان کا استقبال کیا۔ تمل ناڈو بی جے پی کے صدر نینار ناگیندرن نے بھی نائب صدر جمہوریہ کا خیر مقدم کیا۔

نائب صدر جمعہ کو ایک نجی یونیورسٹی میں تقسیم اسناد کی تقریب میں شرکت کریں گے۔ اس کے بعد وہ اسٹار ہوٹل میں استقبالیہ میں شرکت کریں گے۔ رادھا کرشنن شام کو چنئی کنزرویٹری آف دی آرٹس میں منعقد ہونے والے ایک عوامی استقبالیہ میں شرکت کریں گے، اس کے بعد لوک بھون میں گورنر آر این روی کے شہری استقبالیہ میں بھی شرکت کریں گے ۔

پہلے سے طے شدہ پروگرام کے مطابق، نائب صدرجمہوریہ ہفتہ کی صبح ویلور پورکوول جائیں گے اور وہاں شکتی اماں کی 50ویں گولڈن جوبلی تقریبات میں شرکت کریں گے۔ بعد از دوپہر، وہ چنئی کے تھروولیکنی کلا سنرکشن بھون میں سدھ گن دیوس کی تقریبات میں بھی شرکت کریں گے۔

ہندوستھان سماچار

ہندوستان سماچار / محمد شہزاد