پٹنہ، 2 جنوری (ہ س)۔پٹنہ ضلع کے کھگول تھانہ علاقہ میں جمعرات کی دیر رات پولیس اور مجرموں کے درمیان جھڑپ کے دوران بدنام منیجر رائے کو گولی مار دی گئی۔ وہ قتل اور لوٹ کے ایک مقدمے میں مفرور تھا۔ پولیس کے سینئرسپرنٹنڈنٹ کارتیکیہ کے شرما نے بتایا کہ پولیس کو کھگول تھانہ علاقہ میں مطلوب مجرم منیجر رائے کے بارے میں خفیہ اطلاع ملی تھی۔ معلومات کی سنگینی کو دیکھتے ہوئے پٹنہ پولیس نے بہار اسپیشل ٹاسک فورس (ایس ٹی ایف) کے ساتھ مل کر ایک گہری تلاشی مہم شروع کی۔تلاشی کے دوران پولیس کی کارروائی دیکھ کر ملزمین نے فرار ہونے کی کوشش کی۔ پولیس نے اس کا پیچھا کیا اور اسے رکنے کی تنبیہ کی لیکن ملزم نے فائرنگ کردی۔ پولیس نے اپنے دفاع میں جوابی کارروائی کرتے ہوئے مطلوب مجرم کو گھٹنے سے نیچے گولی مار دی۔ زخمی مجرم کو علاج کے لیے پٹنہ ایمس میں داخل کرایا گیا ہے۔ ملزم فی الحال خطرے سے باہر ہے۔سینئرسپرنٹنڈنٹ آف پولیس نے بتایا کہ گرفتار ملزم منیجر رائے کی مجرمانہ تاریخ ہے جس میں 20 سے زیادہ سنگین جرائم کے مقدمات شامل ہیں۔ اس معاملے میں قانونی کارروائی کی جا رہی ہے۔ہندوستھان سماچار

ہندوستان سماچار / Mohammad Afzal Hassan