ممبئی، 15 جنوری (ہ س) ممبئی میں بریہن ممبئی میونسپل کارپوریشن انتخابات کے دوران جمعرات کو دادَر کے ایک پولنگ اسٹیشن پر ووٹنگ میں مختصر وقفہ کے دوران الیکٹرانک ووٹنگ مشین میں خرابی ہوئی۔ یہ واقعہ بالم وہن ودیامندر کے پولنگ بوتھ پر پیش آیا، جہاں ووٹ ڈالنے آئے شہریوں نے مشین کے ایک بٹن کے کام نہ کرنے کی شکایت کی۔

ووٹروں کے مطابق امیدوار وشاکھا راؤت سے متعلق بٹن دبانے پر کوئی ردِعمل سامنے نہیں آ رہا تھا۔ شکایت ملتے ہی انتخابی عملے نے احتیاطی تدبیر کے طور پر ووٹنگ روک دی اور مشین کی جانچ کی۔

انتخابی حکام نے بتایا کہ جانچ کے دوران تقریباً بیس منٹ تک پولنگ معطل رہی۔ تکنیکی نقص ثابت ہونے پر خراب مشین کو فوری طور پر ہٹا کر نئی الیکٹرانک ووٹنگ مشین نصب کی گئی، جس کے بعد ووٹنگ دوبارہ شروع ہو گئی۔

ادھو ٹھاکرے کی قیادت والی شیو سینا کے الیکشن نمائندے دیپک سانے نے اس واقعے کی تصدیق کرتے ہوئے کہا کہ ووٹروں کی شکایات کے بعد ہی مشین کی جانچ اور تبدیلی کا فیصلہ کیا گیا۔

انتخابی حکام کا کہنا ہے کہ مقررہ طریقہ کار کے مطابق کارروائی کی گئی اور اس عارضی رکاوٹ سے پولنگ اسٹیشن پر مجموعی ووٹنگ کے عمل پر کوئی منفی اثر نہیں پڑا۔

ہندوستھان سماچار

--------------------

ہندوستان سماچار / جاوید این اے