کینسر کے مریضوں کے لیے خصوصی سہولیات کے ساتھ سرکاری کام، میٹنگز، اور رہائش ہوگیپٹنہ، 15 جنوری(ہ س)۔اب دہلی کی طرز پر ممبئی میں ایک بہار بھون تعمیر کیا جائے گا۔ اس کی تعمیر کا تفصیلی منصوبہ تیار کر لیا گیا ہے۔ یہ جانکاری محکمہ تعمیرات کے سکریٹری کمار روی نے دی ہے ۔ انہوں نے بتایا کہ عمارت تعمیرات محکمہ ممبئی کے ایلفنسٹن اسٹیٹ (ممبئی پورٹ ٹرسٹ ایریا) میں بہار بھون کی تعمیر کا منصوبہتجویز کیا گیا ہے۔ یہ عمارت تقریباً 30 منزلہ ہو گی جس میں ایک تہہ خانہ بھی شامل ہے جو جدید سہولیات سے آراستہ ہوگا۔ ریاستی کابینہ کی میٹنگ میں اس کی تعمیر کے لیے 314 کروڑ20 لاکھ روپے کی انتظامی منظوری دی گئی۔ اس سے منصوبے میں تیزی آئے گی۔ اس عمارت میں سرکاری کام، میٹنگز اور رہائش ہوگی۔ کینسر کے علاج کے لیے ممبئی جانے والے بہار سے لوگوں کے قیام کے لیے خصوصی انتظامات کیے جائیں گے۔محکمہ کے سکریٹری کمار روی نے کہا کہ ممبئی میں بہار بھون کی تعمیر کا فیصلہ بہار کی ترقی اور عوامی بہبود کی طرف ایک اہم قدم ہے۔ یہاں بہار کے باشندوں، خاص طور پر کینسر جیسی سنگین بیماری میں مبتلا افراد کے لیے خصوصی سہولیات ہوں گی جن میں ان کے اہل خانہ کے لیے ہاسٹلریز اور دیگر خصوصی سہولیات شامل ہیں۔ممبئی میں تعمیر ہونے والا یہ بہار بھون، تقریباً 0.68 ایکڑ پر واقع ہوگا۔ یہ کثیرمنزلہ عمارت کی اونچائی زمین سے 69 میٹر بلند ہوگی۔ اس میں 178 کمرے ہوں گے۔ اس میں مریضوں اور ان کے اہل خانہ کے لیے 240 بستروں کی گنجائش والا ہاسٹل بھی ہوگا۔ ایک سینسر پر مبنی سمارٹ ٹرپل/ڈبل ڈیکر پارکنگ لاٹ تعمیر کیا جائے گا، جس میں ایک وقت میں 233 گاڑیاں پارک ہو سکیں گی۔ 72 افراد کے بیٹھنے کی گنجائش والے کانفرنس ہال کے علاوہ ایک کیفے ٹیریا، ایک میڈیکل روم اور دیگر ضروری سہولیات بھی تیار کی جائیں گی۔

ہندوستھان سماچار

ہندوستان سماچار / Mohammad Afzal Hassan