بریلی، 14 جنوری (ہ س)۔

اترپردیش کے بریلی ضلع کے قلعہ تھانہ علاقے کے کھنّو محلہ میں بدھ کو ایک خاتون کی طبیعت اچانک خراب ہو گئی۔ اس کے شوہر نے اسے اسپتال پہنچایا، جہاں ڈاکٹروں نے اسے مردہ قرار دے دیا۔ اس کی موت کی اطلاع ملتے ہی اس کے والدین اسپتال پہنچے اور شوہر پر زہر دے کر قتل کرنے کا الزام لگاتے ہوئے ہنگامہ شروع کردیا۔

متوفی کے والد انتظار حسین نے بتایا کہ اس نے اپنی بیٹی شہناز کی شادی تقریباً آٹھ سال قبل کھنو محلہ کے رہائشی ماجد سے کی تھی۔ ماجد ایک دوا ساز کمپنی کا سیلز مین ہے۔ اہل خانہ کا الزام ہے کہ شہناز کو شادی کے بعد سے گھریلو تشدد کا سامنا تھا۔

بدھ کی صبح تقریباً 9 بجے ماجد نے اس کے والدین کو فون کرکے انہیں شہناز کی بگڑتی ہوئی صحت کی اطلاع دی۔ اہل خانہ اسپتال پہنچے تو شہناز کی موت ہوچکی تھی۔ اہل خانہ کا کہنا ہے کہ خاتون کے منہ سے جھاگ نکل رہی تھی جس سے شبہ پیدا ہوا کہ اسے زہر دیا گیا ہے۔

پوسٹ مارٹم ہاو¿س میں متوفی کے بھائی محسن نے ماجد پر زہر دینے کا الزام لگایا۔ اطلاع ملتے ہی سی او سیکنڈ سونالی مشرا اور فورٹ انسپکٹر سبھاش ونائک اسپتال پہنچے اور اہل خانہ سے پوچھ گچھ کی۔ پولیس کا کہنا ہے کہ پوسٹ مارٹم رپورٹ آنے کے بعد ہی موت کی وجہ واضح ہو سکے گی۔ معاملہ فی الحال زیر تفتیش ہے۔

ہندوستھان سماچار

ہندوستان سماچار / عطاءاللہ