کوچ بہار، 14 جنوری (ہ س)۔

نشی گنج ضلع میں بدھ کے روز پیڑ کاٹنے کے معمولی تنازعہ کے سبب ایک جوڑے کو ان کے چچازاد بھائی کے ہاتھوں بے رحمی سے قتل کر دیا گیا۔ مرنے والوں کی شناخت دلیپ برمن اور ان کی اہلیہ سمپا برمن کے طور پر ہوئی ہے۔ دن دہاڑے کے اس واقعہ نے نشی گنج-2 گرام پنچایت کے ڈاکواٹاری علاقے کے باشندوں کو چونکا دیا ہے۔

مقامی ذرائع کے مطابق دلیپ برمن اور ان کے چچازاد بھائی کے درمیان ان کے گھر کی حدود میں واقع بیر کے درخت کو کاٹنے پر جھگڑا ہوا۔ جھگڑے کے دوران ملزمان نے مبینہ طور پر دلیپ پر تیز دھار ہتھیار سے حملہ کیا۔ جب اس کی بیوی سمپا برمن نے اپنے شوہر کو بچانے کے لیے مداخلت کی تو ملزم نے اس پر بھی حملہ کر دیا۔ دونوں میاں بیوی موقع پر ہی گر گئے ۔ مقامی لوگوں کے پہنچنے تک ملزمان فرار ہو چکے تھے۔ اطلاع ملتے ہی گھوکساڈانگا پولیس اسٹیشن اور نشی گنج چوکی کی پولیس ٹیمیں جائے وقوعہ پر پہنچیں۔

ماتھا بھانگا کے ایس ڈی پی او سمرین ہلدار نے بتایا کہ پولیس ملزم کی گرفتاری کے لیے چھان بین کر رہی ہے۔ دونوں لاشیں برآمد کر کے پوسٹ مارٹم کے لیے بھیج دی گئی ہیں۔ پولیس نے پورے معاملے کی تحقیقات شروع کر دی ہے۔

ہندوستھان سماچار

ہندوستان سماچار / عطاءاللہ