حیدرآباد , 13 جنوری (ہ س)۔شہرحیدرآباد کے مادھاپورسائبرگیٹ کے قریب سڑک کاایک حصہ دھنس جانے کی وجہ سے ٹریفک کی نقل وحرکت شدید متاثر ہوئی جس کے نتیجہ میں آئی کے ای اے سے سائبرٹاورس اورجے این ٹی یوکی طرف جانے والے راستے پرگاڑیوں کی بھاری تعداد دیکھی جارہی ہے۔ سائبرآباد پولیس کے مطابق متعلقہ محکموں کی جانب سے مرمتی کام شروع کردیا گیا ہے اورٹریفک کی روانی کو برقراررکھنے کے لئے ضروری تبدیلیاں کی گئی ہیں۔ مسافروں کومشورہ دیاگیاہے کہ وہ آئندہ پانچ دنوں تک اس راستے پرزحمت سے بچنے کے لئے متبادل راستوں کا استعمال کریں۔ نئے ٹریفک پلان کے مطابق آئی کے ای اے سے آنے والی ٹریفک کو لیمن ٹری ہوٹل/رائے درگم میٹرو اسٹیشن سے ٹیک مہندرا۔ سی آئی آئی جنکشن کی طرف موڑدیاجائے گاجہاں سے مسافرسائبرٹاورس اورپھراپنے باقاعدہ راستے سے جے این ٹی یوکی طرف جاسکیں گے۔

ہندوستھان سماچار

ہندوستان سماچار / محمدعبدالخالق