بھوپال، 13 جنوری (ہ س)۔

مدھیہ پردیش راجیہ گرامین آجی ویکا مشن میں ابھی کسی بھی سطح پر کوئی بھرتی نہیں کی جا رہی ہے۔ مختلف اضلاع میں بھرتی کے سلسلے میں ایک بے بنیاد خط کے ذریعے گمراہ کن جانکاری پھیلائی جا رہی ہے جو کہ پوری طرح غلط ہے۔

رابطہ عامہ افسر آر آر پٹیل نے منگل کو بتایا کہ وائرل خط ڈپٹی سکریٹری پنچایت اور دیہی ترقیات ایس کے مشرا کے نام سے دستخط شدہ ہے۔ جبکہ محکمے میں اس نام کا کوئی ڈپٹی سکریٹری نہیں ہے۔ اس جعلی خط میں حوالہ حکومت ہند کا خط نمبر ایف / 2479 تاریخ 27.12.2025 درج ہے، جو مکمل طور پر بے بنیاد ہے۔ آجی ویکا مشن میں کوئی بھرتی نہیں کی جا رہی ہے نہ ہی یہ خط محکمے سے متعلق ہے۔

ہندوستھان سماچار

ہندوستان سماچار / انظر حسن